ਯੂ.ਪੀ : ਵਿਆਹ ਸਮਾਗਮ ਦੌਰਾਨ ਖੂਹ ‘ਚ ਡਿੱਗਣ ਕਾਰਨ 13 ਮੌਤਾਂ

ਲਖਨਊ, 17 ਫਰਵਰੀ – ਉੱਤਰ ਪ੍ਰਦੇਸ਼ ਦੇ ਕੁਸ਼ੀਨਗਰ ਵਿਖੇ ਬੀਤੀ ਰਾਤ ਵਿਆਹ ਸਮਾਗਮ ਦੌਰਾਨ ਖੂਹ ‘ਚ ਡਿੱਗਣ ਕਾਰਨ ਮਹਿਲਾਵਾਂ ਅਤੇ ਬੱਚਿਆਂ ਸਮੇਤ 13 ਲੋਕਾਂ ਦੀ ਮੌਤ ਹੋ ਗਈ। ਇਹ ਹਾਦਸਾ ਉਸ ਸਮੇਂ ਹੋਇਆ ਜਦੋਂ ਮਹਿਲਾਵਾਂ ਅਤੇ ਬੱਚਿਆ ਸਮੇਤ ਕਈ ਲੋਕ ਸਲੈਬ ਨਾਲ ਢੱਕੇ ਖੂਹ ਉੱਪਰ ਬੈਠੇ ਸਨ, ਕਿ ਭਾਰ ਜ਼ਿਆਦਾ ਹੋਣ ਕਾਰਨ ਸਲੈਬ ਖੂਹ ‘ਚ ਡਿੱਗ ਪਈ ਤੇ ਉਸ ਉੱਪਰ ਬੈਠੇ ਲੋਕ ਵੀ ਖੂਹ ‘ਚ ਜਾ ਡਿੱਗੇ। ਹਾਦਸੇ ਤੋਂ ਬਾਅਦ ਲੋਕਾਂ ਨੂੰ ਹਸਪਤਾਲ ਲਿਜਾਇਆ ਗਿਆ, ਜਿੱਥੇ ਕਿ 13 ਲੋਕਾਂ ਨੂੰ ਮ੍ਰਿਤਕ ਘੋਸ਼ਿਤ ਕਰ ਦਿੱਤਾ ਗਿਆ, ਜਦਕਿ 10 ਜਣੇ ਜਖਮੀਂ ਹਾਲਤ ਵਿਚ ਹਸਪਤਾਲ ਦਾਖਲ ਹਨ। ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਇਸ ਹਾਦਸੇ ਉੱਪਰ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।