ਫਗਵਾੜਾ ਵਿਖੇ ਇੱਕ ਤੇਜਰਫਤਾਰ ਬੇਕਾਬੂ ਟਰੱਕ ਸਰਵਿਸ ਰੋਡ ਤੇ ਆ ਕੇ ਠੀਕ ਹੋਣ ਲਈ ਆਈਆਂ ਗੱਡੀਆਂ ਵਿੱਚ ਜਾ ਵੱਜਾ। ਇਸ ਹਾਦਸੇ ਵਿੱਚ ਜਿੱਥੇ ਕਿ ਜਾਨੀ ਨੁਕਸਾਨ ਹੋਣ ਤੋਂ ਬਚਾਅ ਹੋ ਗਿਆ ਉਥੇ ਹੀ ਟਰੱਕ ਡਰਾਈਵਰ ਜਖਮੀ ਹੋ ਗਿਆ। ਇਸ ਸਬੰਧੀ ਗੱਲਬਾਤ ਕਰਦਿਆ ਟਰੱਕ ਦੇ ਕੰਲੀਡਰ ਨੇ ਦੱਸਿਆ ਕਿ ਉਹ ਜਦੋਂ ਜਲੰਧਰ ਤੋਂ ਲੁਧਿਆਣਾ ਵਾਲੀ ਸਾਈਡ ਜਾ ਰਹੇ ਸਨ ਕਿ ਫਗਵਾੜਾ ਦੇ ਚਾਚੋਕੀ ਜੀ.ਟੀ ਰੋਡ ਤੇ ਇੱਕ ਟਰੱਕ ਵੱਲੋਂ ਉਨਾਂ ਦੇ ਟਰੱਕ ਨੂੰ ਟੱਕਰ ਮਾਰ ਦਿੱਤੀ ਗਈ ਜਿਸ ਨਾਲ ਉਨਾਂ ਦਾ ਟਰੱਕ ਬੇਕਾਬੂ ਹੋ ਕੇ ਸਰਵਿਸ ਰੋਡ ਤੇ ਦੁਕਾਨਾ ਤੇ ਖੜੀਆਂ ਗੱਡੀਆਂ ਵਿੱਚ ਜਾ ਵੱਜਾ। ਜਿਸ ਨਾਲ ਟਰੱਕ ਚਾਲਕ ਜਖਮੀ ਹੋ ਗਿਆ ਜਦ ਕਿ ਬਾਕੀ ਜਾਨੀ ਨੁਕਸਾਨ ਹੋਣ ਤੋਂ ਬਚਾਅ ਹੋ ਗਿਆ।
ਮੌਕੇ ਤੇ ਮਜੌੂਦ ਦੁਕਾਨਦਾਰ ਹੰਸ ਰਾਜ ਅਤੇ ਰਾਮਜੀ ਸੰਧੂ ਨੇ ਕਿਹਾ ਕਿ ਉਹ ਜਦੋਂ ਦੁਕਾਨ ਤੇ ਕੰਮ ਕਰ ਰਹੇ ਸਨ ਤਾਂ ਅਚਾਨਕ ਤੇਜ ਰਫਤਾਰ ਟਰੱਕ ਬੇਕਾਬੂ ਹੋ ਕੇ ਸਰਵਿਸ ਲਾਈਨ ਤੇ ਆ ਕੇ ਦੁਕਾਨਾਂ ਤੇ ਗੱਡੀਆਂ ਵਿੱਚ ਆ ਵੱਜਾ। ਉਨਾਂ ਪੁਲਿਸ ਪ੍ਰਸ਼ਾਸ਼ਨ ਪਾਸੋਂ ਮੰਗ ਕੀਤੀ ਕਿ ਉਨਾਂ ਦੇ ਹੋਏ ਨੁਕਸਾਨ ਦੀ ਭਰਪਾਈ ਕਰਵਾਈ ਜਾਵੇ।
ਇਸ ਘਟਨਾਂ ਤੋਂ ਬਾਅਦ ਮੌਕੇ ਤੇ ਪਹੁੰਚੇ ਚੌਂਕੀ ਇੰਡਸਟਰੀ ਏਰੀਆ ਦੇ ਪੁਲਿਸ ਅਧਿਕਾਰੀ ਏ.ਐੱਸ.ਆਈ ਜਸਵੰਤ ਸਿੰਘ ਨੇ ਦੱਸਿਆ ਕਿ ਉਨਾਂ ਨੂੰ ਹਾਦਸੇ ਸਬੰਧੀ ਸੂਚਨਾ ਮਿਲੀ ਸੀ ਜਿਸ ਤੋਂ ਬਾਅਦ ਉਹ ਮੌਕੇ ਤੇ ਆਏ ਹਨ ਤੇ ਜੋ ਵੀ ਬਿਆਨ ਦਰਜ ਕਰਵਾਉਣਗੇ ਉਸ ਹਿਸਾਬ ਨਾਲ ਬਣਦੀ ਕਾਰਵਾਈ ਕੀਤੀ ਜਾਵੇਗੀ॥
English
Hindi
Punjabi