ਫਗਵਾੜਾ ਵਿਖ਼ੇ ZOMATO ਦੇ ਮੁਲਾਜਮ  ਕੋਲੋਂ ਹਥਿਆਰਾਂ ਦੀ ਨੋਕ ਤੇ ਕੀਤੀ ਲੁੱਟ ਖੋਹ

ਪੰਜਾਬ ਵਿੱਚ ਇਸ ਆਪਰਾਧਿਕ ਮਾਮਲੇ ਜਿੱਥੇ ਬੜੀ ਹੀ ਤੇਜੀ ਨਾਲ ਵੱਧ ਰਹੇ ਹਨ ਉਥੇ ਹੀ ਆਮ ਲੋਕਾਂ ਦਾ ਵੀ ਜੀਣਾ ਦੁਸ਼ਵਾਰ ਹੋਇਆ ਪਿਆ ਹੈ। ਫਗਵਾੜਾ ਦੀ ਅਗਰ ਗੱਲ ਕਰੀਏ ਤਾਂ ਫਗਵਾੜਾ ਵਿਖੇ ਜਿੱਥੇ ਬੀਤੇ ਦਿਨੀ ਪੰਜਾਬ ਪੁਲਿਸ ਦੇ ਕਾਂਸਟੇਬਲ ਕਮਲ ਬਾਜਵਾ ਦੀ ਲਟੇਰਿਆ ਨਾਲ ਹੋਈ ਮੁੱਠਭੇੜ ਵਿੱਚ ਮੌਤ ਹੋ ਗਈ ਸੀ, ਉਥੇ ਹੀ ਉਸੇ ਹੀ ਰਾਤ ਮੋਟਰਸਾਈਕਲ ਸਵਾਰ 3 ਲੁਟੇਰੇ ਹਥਿਆਰਾਂ ਦੀ ਨੋਕ ਤੇ ਜਮੇਟੋ ਕੰਪਨੀ ਦੇ ਮੁਲਾਜਮ ਪਾਸੋ ਸਪਲੈਂਡਰ ਮੋਟਰਸਾਈਕਲ, ਮੋਬਾਇਲ ਤੇ ਹਜਾਰਾ ਰੁਪਏ ਦੀ ਨਗਦੀ ਖੋਹ ਕੇ ਫਰਾਰ ਹੋ ਗਏ। ਇਸ ਸਬੰਧੀ ਜਾਣਕਾਰੀ ਦਿੰਦਿਆ ਪੀੜਤ ਨੌਜ਼ਵਾਨ ਮਨੋਜ ਪੱੁਤਰ ਰਮੇਸ਼ ਕੁਮਾਰ ਵਾਸੀ ਪ੍ਰੇਮ ਨਗਰ ਰੇਲਵੇ ਰੋਡ ਫਗਵਾੜਾ ਨੇ ਦੱਸਿਆ ਕਿ ਜਦੋਂ ਉਹ ਚਚੜਾੜੀ ਤੋਂ ਆਡਰ ਡਿਲੀਵਰ ਕਰਕੇ ਵਾਪਿਸ ਆ ਰਿਹਾ ਸੀ ਤਾਂ ਰਾਤ ਸਮੇਂ ਚਾਚੋਕੀ ਨਜਦੀਕ ਪੰਜਾਬੀ ਢਾਬੇ ਦੇ ਬਿਲਕੁੱਲ ਸਾਹਮਣੇ ਹੀ ਮੋਟਰਸਾਈਕਲ ਸਵਾਰ ਤਿੰਨ ਲੁਟੇਰੇ ਕਿਰਪਾਨਾ ਦੀ ਨੋਕ ਉਸ ਪਾਸੋਂ ਸਪਲੈਂਡਰ ਮੋਟਰਸਾਈਕਲ, ਮੋਬਾਇਲ ਅਤੇ 4 ਹਜਾਰ ਰੁਪਏ ਦੀ ਨਗਦੀ ਖੋਹ ਕੇ ਫਰਾਰ ਹੋ ਗਏ। ਉਨਾਂ ਦੱਸਿਆ ਕਿ ਇਸ ਘਟਨਾਂ ਤੋਂ ਉਨਾਂ ਤਰੁੰਤ ਹੀ ਪੁਲਿਸ ਚੌਕੀ ਇੰਡਸਟਰੀਏਰੀਆ ਨੂੰ ਸੂਚਿਤ ਕੀਤਾ। ਪੀੜਤ ਨੌਜ਼ਵਾਨ ਮੁਤਾਬਿਕ ਪੁਲਿਸ ਨੂੰ ਸੂਚਿਤ ਕਰਨ ਦੇ ਬਾਵਜੂਦ ਵੀ ਪੁਲਿਸ ਵੱਲੋਂ ਕੋਈ ਵੀ ਢੁਕਵੀ ਕਾਰਵਾਈ ਨਹੀ ਕੀਤੀ ਗਈ। ਉਨਾਂ ਪੁਲਿਸ ਪ੍ਰਸ਼ਾਸ਼ਨ ਪਾਸੋਂ ਮੰਗ ਕੀਤੀ ਕਿ ਦੋਸ਼ੀਆਂ ਨੂੰ ਜਲਦ ਤੋਂ ਜਲਦ ਗ੍ਰਿਫਤਾਰ ਕਰਕੇ ਉਨਾਂ ਦੇ ਹੋਏ ਨੁਕਸਾਨ ਦੀ ਭਰਪਾਈ ਕਰਵਾਏ ਜਾਵੇ।ਜਿਕਰਯੋਗ ਹੈ ਕਿ ਫਗਵਾੜਾ ਸ਼ਹਿਰ ਵਿੱਚ ਵੱਧ ਰਹੀਆਂ ਅਪਰਾਧਿਕ ਗਤੀਆਂ ਵਿਧੀਆਂ ਜਿੱਥੇ ਇਲਾਕਾ ਵਾਸੀਆਂ ਦੇ ਨਾਲਾ ਫਗਵਾੜਾ ਪੁਲਿਸ ਲਈ ਸਿਰਦਰਦ ਬਣ ਰਹੀਆ ਹਨ ਉਥੇ ਹੀ ਲੋੜ ਹੈ ਕਿ ਪੁਲਿਸ ਪ੍ਰਸ਼ਾਸ਼ਨ ਨੂੰ ਇਹੋ ਜਿਹੇ ਸਮਾਜ ਵਿਰੋਧੀ ਅਨਸਰਾਂ ਖਿਲਾਫ ਸਖਤੀ ਵਰਤਣ ਦੀ ਤਾਂ ਜੋ ਇਲਾਕਾ ਵਾਸੀ ਵੀ ਬੇਖੌਫ ਹੋ ਕੇ ਆਪਣੀ ਜਿੰਦਗੀ ਬਸਰ ਕਰ ਸਕਣ।