ਜਲੰਧਰ ‘ਚ 2 ਦੁਕਾਨਾਂ ਨੂੰ ਲੱਗੀ ਭਿਆਨਕ ਅੱਗ

ਜਲੰਧਰ, 29 ਮਈ – ਜਲੰਧਰ ਦੇ ਪਠਾਨਕੋਟ ਚੌਂਕ ਵਿਖੇ ਬੀਤੀ ਦੇਰ ਰਾਤ ਫਰੂਟ ਦੀਆਂ ਦੋ ਦੁਕਾਨਾਂ ਨੂੰ ਅਚਾਨਕ ਅੱਗ ਲੱਗ ਗਈ। ਜਿਸ ਨੇ ਦੇਖਦੇ ਹੀ ਦੇਖਦੇ ਭਿਆਨਕ ਰੂਪ ਧਾਰਨ ਕਰ ਲਿਆ।ਇਸ ਦਾ ਪਤਾ ਲੱਗਦਿਆ ਹੀ ਪੀ.ਸੀ.ਆਰ ਦੀ ਟੀਮ ਮੌਕੇ ‘ਤੇ ਪਹੁੰਚੀ ਜਿਸ ਨੇ ਫਾਇਰ ਬ੍ਰਿਗੇਡ ਨੂੰ ਸੂਚਿਤ ਕੀਤਾ ਤੇ ਫਾਇਰ ਬ੍ਰਿਗੇਡ ਨੇ ਮੌਕੇ ‘ਤੇ ਪਹੁੰਚ ਕੇ ਅੱਗ ਉੱਪਰ ਕਾਬੂ ਪਾਇਆ। ਦੁਕਾਨਾਂ ਦੇ ਮਾਲਿਕ ਅਨੁਸਾਰ ਅੱਗ ਦੇ ਕਾਰਨਾਂ ਦਾ ਕੁੱਝ ਪਤਾ ਨਹੀਂ ਲੱਗਾ ਹੈ ਤੇ ਇਹ ਅੱਗ ਕਿਸੇ ਵੱਲੋਂ ਰੰਜਸ਼ ਦੇ ਚੱਲਦਿਆ ਲਗਾਈ ਗਈ ਲੱਗਦੀ ਹੈ। ਅੱਗ ਕਾਰਨ ਉਸ ਦਾ 1 ਲੱਖ ਰੁਪਏ ਦਾ ਨੁਕਸਾਨ ਹੋ ਗਿਆ।