ਮਾਤਮ ‘ਚ ਬਦਲੀਆਂ ਖ਼ੁਸ਼ੀਆਂ, ਨਹਿਰ ‘ਚ ਡੁੱਬਣ ਕਰ ਕੇ ਨੌਜਵਾਨ ਦੀ ਮੌਤ

ਹਲਕਾ ਦਸੂਹਾ ਦੇ ਪੁਲਿਸ ਥਾਣਾ ਹਾਜੀਪੁਰ ਦੇ ਅਧੀਨ ਪੈਂਦੇ ਪਿੰਡ ਸੀਪਰੀਆਂ ਦੇ ਗਾਉ ਘਾਟ ਦੇ ਕੋਲ ਇੱਕ ਨੌਜਵਾਨ ਦੀ ਕੰਡੀ ਨਹਿਰ ‘ਚ ਡੁੱਬਣ ਕਰ ਕੇ ਮੌਤ ਹੋ ਗਈ। ਪ੍ਰਾਪਤ ਜਾਣਕਾਰੀ ਦੇ ਅਨੁਸਾਰ ਰੋਹਿਤ ਰਾਣਾ ਪੁੱਤਰ ਗੰਧਰਵ ਸਿੰਘ ਵਾਸੀ ਪਿੰਡ ਕਿਆਰੀ ਮੁਹੱਲਾ ਬੱਡਲਾ ਪੁਲਿਸ ਸਟੇਸ਼ਨ ਦਸੂਹਾ ਜੋ ਆਪਣੇ ਦੋਸਤਾਂ ਨਾਲ ਹੋਲੀ ਖੇਲਦੇ ਹੋਏ ਕੰਡੀ ਨਹਿਰ ਤੇ ਪੈਂਦੇ ਪਿੰਡ ਸੀਪਰੀਆਂ ਦੇ ਗਾਉ ਘਾਟ ਦੇ ਲਾਗੇ ਨਹਾਉਣ ਲੱਗਿਆ ਸੀ ਤਾਂ ਰੋਹਿਤ ਰਾਣਾ ਨਹਿਰ ‘ਚ ਡੁੱਬ ਗਿਆ ਜਿਸ ਨੂੰ ਨਹਿਰ ‘ਚੋਂ ਬਾਹਰ ਕੱਢ ਕੇ ਹਾਜੀਪੁਰ ਦੇ ਸਰਕਾਰੀ ਹਸਪਤਾਲ ਵਿਖੇ ਲਿਆਂਦਾ ਗਿਆ ਜਿੱਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾI ਐੱਸ. ਐਚ.ਓ.ਹਾਜੀਪੁਰ ਪੰਕਜ ਕੁਮਾਰ ਨੇ ਦਸਿਆ ਹੈ ਕਿ ਸੂਚਨਾਂ ਮਿਲਣ ‘ਤੇ ਹਾਜੀਪੁਰ ਪੁਲਿਸ ਨੇ ਲਾਸ਼ ਨੂੰ ਕਬਜੇ ‘ਚ ਲੈ ਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈI