ਫਗਵਾੜਾ ਵਿਖੇ ਮਿਲੇ ਛੋਟੇ ਬੱਚੇ , ਮਾਂ ਦੀ ਭਾਲ ਜਾਰੀ

ਫਗਵਾੜਾ 3 ਜੂਨ (ਰਮਨਦੀਪ) ਵੀਰਵਾਰ ਦੀ ਦੇਰ ਸ਼ਾਮ ਫਗਵਾੜਾ ਦੀ ਸਿੰਗਲਾ ਮਾਰਕੀਟ ਵਿਖੇ ਇਕ ਮਹਿਲਾ ਵਲੋਂ ਇਕ ਛੋਟੇ ਬੱਚੇ ਨੂੰ ਛੱਡ ਕੇ ਜਾਣ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਇਸ ਸੰਬੰਧੀ ਜਾਣਕਾਰੀ ਦਿੰਦੇ ਹੋਏ ਥਾਣਾ ਸਿਟੀ ਦੇ ਸਬ ਇੰਸਪੈਕਟਰ ਭਾਰਤ ਭੂਸ਼ਣ ਨੇ ਦੱਸਿਆ ਕਿ ਦੇਰ ਸ਼ਾਮ ਉਹਨਾਂ ਨੂੰ ਸੂਚਨਾ ਮਿਲੀ ਸੀ ਕਿ ਸਿੰਗਲਾ ਮਾਰਕਿਟ ਵਿਖੇ ਇਕ ਛੋਟਾ ਬੱਚਾ ਰੋ ਰਿਹਾ ਹੈ।ਜਿਸ ਤੋਂ ਬਾਅਦ ਉਹ ਮੌਕੇ ਤੇ ਪੁਜੇ ਤਾਂ ਪਤਾ ਲੱਗਾ ਕਿ ਇਕ ਔਰਤ ਉਸ ਬੱਚੇ ਨੂੰ ਓਥੇ ਛੱਡ ਕੇ ਗਈ ਹੈ।ਜਿਸ ਤੋਂ ਬਾਅਦ ਉਸ ਬੱਚੇ ਨੂੰ ਸਿਵਲ ਹਸਪਤਾਲ ਫਗਵਾੜਾ ਵਿਖੇ ਲਿਆਂਦਾ ਗਿਆ।ਉਹਨਾਂ ਦੱਸਿਆ ਕਿ ਸ਼ਾਮ ਦਾ ਸਮਾਂ ਹੋਣ ਕਾਰਨ ਦੁਕਾਨਾਂ ਬੰਦ ਸਨ ਜਿਸ ਕਰ ਕੇ ਸਵੇਰ ਨੂੰ ਸੀ,ਸੀ,ਟੀ,ਵੀ ਕੈਮਰੇ ਚੈੱਕ ਕਰ ਬੱਚਾ ਛੱਡਣ ਵਾਲੀ ਔਰਤ ਦੀ ਭਾਲ ਕੀਤੀ ਜਾਵੇਗੀ।