ਪੁਲਿਸ ਵਰਦੀ ‘ਚ ਆਪਣੇ ਸਾਥੀ ਸਮੇਤ ਚੋਰੀ ਕੀਤੀ ਐਕਟਿਵ, ਦੇਖੋ CCTV ਫੁਟੇਜ

15 ਅਗਸਤ ਦੇ ਮੱਦੇਨਜ਼ਰ ਜਲੰਧਰ ਸ਼ਹਿਰ ‘ਚ ਪੁਲਿਸ ਨੇ ਚੌਕਸੀ ਵਧਾ ਦਿੱਤੀ ਹੈ। ਇਸ ਦੌਰਾਨ ਵੱਖ-ਵੱਖ ਥਾਵਾਂ ‘ਤੇ ਨਾਕਾਬੰਦੀ ਕੀਤੀ ਜਾ ਰਹੀ ਹੈ। ਮੰਗਲਵਾਰ ਨੂੰ ਏਡੀਜੀਪੀ ਪ੍ਰਵੀਨ ਸਿਨਹਾ ਨੇ ਪੁਲਿਸ ਕਮਿਸ਼ਨਰ ਸਵਪਨ ਸ਼ਰਮਾ ਨਾਲ ਰੇਲਵੇ ਸਟੇਸ਼ਨ ਦਾ ਦੌਰਾ ਵੀ ਕੀਤਾ। ਇਸ ਦੌਰਾਨ ਲੋਕਾਂ ਨੂੰ ਸ਼ਰਾਰਤੀ ਅਨਸਰਾਂ ਖਿਲਾਫ ਸੂਚਨਾ ਦੇਣ ਦੀ ਅਪੀਲ ਕੀਤੀ ਗਈ | ਪੁਲਿਸ ਦੀ ਵਰਦੀ ‘ਚ ਐਕਟਿਵਾ ‘ਤੇ ਘੁੰਮ ਰਹੇ ਇਕ ਵਿਅਕਤੀ ਦੀ ਵੀਡੀਓ ਵਾਇਰਲ ਹੋ ਰਹੀ ਹੈ ਜਿਸ ਵਿਚ ਉਕਤ ਵਿਅਕਤੀ ਉਸ ਦੇ ਸਾਥੀ ਨਾਲ ਐਕਟਿਵਾ ‘ਤੇ ਆਉਂਦਾ ਹੈ ਤੇ ਸੜਕ ਕਿਨਾਰੇ ਖੜ੍ਹੀ ਇਕ ਸਫੈਦ ਰੰਗ ਦੀ ਐਕਟਿਵਾ ਕੋਲ ਜਾ ਕੇ ਰੁਕ ਜਾਂਦਾ ਹੈ | ਇਸ ਦੌਰਾਨ ਉਹ ਉੱਥੇ ਖੜ੍ਹੀ ਐਕਟਿਵਾ ਲੈ ਕੇ ਆਸਾਨੀ ਨਾਲ ਭੱਜ ਗਿਆ। ਇਸ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਅਜਿਹੇ ‘ਚ ਪੁਲਿਸ ਦੀ ਵਰਦੀ ‘ਚ ਘੁੰਮ ਰਹੇ ਵਿਅਕਤੀ ਅਤੇ ਉਸ ਦੇ ਸਾਥੀ ਵੱਲੋਂ ਵਾਰਦਾਤ ਨੂੰ ਅੰਜਾਮ ਦੇਣ ‘ਤੇ ਕਈ ਸਵਾਲ ਖੜ੍ਹੇ ਹੋ ਰਹੇ ਹਨ।