ਭਾਰਤ ਖਿਲਾਫ WTC Final ਲਈ ਨਿਊਜ਼ੀਲੈਂਡ ਦੀ ਟੀਮ ਘੋਸ਼ਿਤ

ਵੈਲਿੰਗਟਨ, 15 ਜੂਨ – ਭਾਰਤ ਖਿਲਾਫ 18 ਜੂਨ ਤੋਂ ਹੋਣ ਵਾਲੇ WTC Final ਲਈ ਕੀਵੀ ਮੈਨੇਜ਼ਮੈਂਟ ਵੱਲੋਂ ਨਿਊਜ਼ੀਲੈਂਡ ਦੀ 15 ਮੈਂਬਰੀ ਟੀਮ ਘੋਸ਼ਿਤ ਕਰ ਦਿੱਤੀ ਗਈ ਹੈ। 18 ਜੂਨ ਨੂੰ ਸਾਊਥੈਂਪਟਨ ਵਿਖੇ ਹੋਣ ਵਾਲੇ ਇਤਿਹਾਸਿਕ ਫਾਈਨਲ ਲਈ ਟੀਮ ਕੇਨ ਵਿਲੀਅਮਸਨ ਦੀ ਕਪਤਾਨੀ ਵਿਚ ਖੇਡਣ ਉਤਰੇਗੀ। ਕੇਨ ਵਿਲੀਅਮਸਨ ਸੱਟ ਕਾਰਨ ਇੰਗਲੈਂਡ ਖਿਲਾਫ ਦੂਸਰਾ ਟੈਸਟ ਨਹੀਂ ਖੇਡ ਸਕੇ ਸਨ।ਪਰ ਉਨ੍ਹਾਂ ਦੀ ਸੱਟ ਗੰਭੀਰ ਨਹੀਂ ਹੈ ਤੇ ਭਾਰਤ ਖਿਲਾਫ ਇਤਿਹਾਸਿਕ ਫਾਈਨਲ ਲਈ ਉਹ ਕਪਤਾਨੀ ਕਰਦੇ ਨਜ਼ਰ ਆਉਣਗੇ।ਭਾਰਤ ਅਤੇ ਨਿਊਜ਼ੀਲੈਂਡ ਵਿਚਕਾਰ ਹੋਣ ਵਾਲੇ WTC Final ਲਈ ਜੇਤੂ ਟੀਮ ਨੂੰ 1.6 ਮਿਲੀਅਨ ਡਾਲਰ (ਲਗਭਗ 11.71 ਕਰੋੜ ਰੁਪਏ) ਅਤੇ ਉਪਜੇਤੂ ਟੀਮ ਨੂੰ 8 ਲੱਖ ਡਾਲਰ (5.8 ਕਰੋੜ) ਦੀ ਨਗਦ ਰਾਸ਼ੀ ਇਨਾਮ ਵਜੋ ਦਿੱਤੀ ਜਾਵੇਗੀ।