ਫਗਵਾੜਾ ਵਿਖੇ ਨਗਰ ਨਿਗਮ ਦੀ ਚੋਣ ਤੋਂ ਬਾਅਦ ਸ਼ਨੀਵਾਰ ਨੂੰ ਮੇਅਰ ਦੀ ਚੋਣ ਲਈ ਸ਼ਾਮ 4 ਵਜੇ ਪ੍ਰਸ਼ਾਸਨ ਵੱਲੋਂ ਸਰਕਾਰੀ ਆਡੀਟੋਰੀਅਮ ਵਿਖੇ ਇੱਕ ਮੀਟਿੰਗ ਰੱਖੀ ਗਈ ਸੀ ਇਸ ਮੀਟਿੰਗ ਤੋਂ ਠੀਕ ਪਹਿਲਾਂ ਹੀ ਇੱਕ ਹੋਰ ਵੱਡੀ ਖਬਰ ਸਾਹਮਣੇ ਆਈ ਹੈ। ਸੂਤਰਾਂ ਦੇ ਹਵਾਲੇ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਫਗਵਾੜਾ ਦੇ ਵਾਰਡ ਨੰਬਰ 15 ਤੋਂ ਕਾਂਗਰਸੀ ਕੌਂਸਲਰ ਪਰਮਜੀਤ ਕੌਰ ਵਾਲੀਆ ਦੇ ਪਤੀ ਗੁਰਜੀਤ ਪਾਲ ਵਾਲੀਆ ਵਾਰਡ ਨੰਬਰ ਸੱਤ ਤੋਂ ਕਾਂਗਰਸੀ ਕੌਂਸਲਰ ਸ਼੍ਰੀਮਤੀ ਪਿੰਕੀ ਭਾਟੀਆ ਦੇ ਪਤੀ ਮੁਕੇਸ਼ ਕੁਮਾਰ ਭਾਟੀਆ ਅਤੇ ਵਾਰਡ ਨੰਬਰ ਪੰਜ ਤੋਂ ਕਾਂਗਰਸੀ ਕੌਂਸਲਰ ਸ਼੍ਰੀਮਤੀ ਦੀਪ ਮਾਲਾ ਦੇ ਪਤੀ ਧੀਰਜ ਘਈ ਉੱਪਰ ਐਫ ਆਈਆਰ ਦਰਜ ਕੀਤੀ ਗਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਇਹ ਐਫ ਆਈ ਆਰ ਗੁਰਜੀਤ ਪਾਲ ਵਾਲੀਆ ਬਿਨਾਂ ਲਾਈਸੈਂਸ ਆਈਲੈਟਸ ਸੈਂਟਰ ਚਲਾਉਣ ਅਤੇ ਮੁਕੇਸ਼ ਭਾਟੀਆ ਉੱਪਰ ਵਿਦੇਸ਼ ਭੇਜਣ ਦਾ ਝਾਂਸਾ ਦੇ ਕੇ ਲੋਕਾਂ ਨਾਲ ਠੱਗੀ ਮਾਰਨ ਅਤੇ ਧੀਰਜ ਕਈ ਉੱਪਰ ਕਵਾੜ ਦੀ ਦੁਕਾਨ ਦੀ ਆੜ ਵਿੱਚ ਚੋਰੀ ਦਾ ਸਮਾਨ ਖਰੀਦਣ ਦੇ ਦੋਸ਼ ਤਹਿਤ ਐਫ ਆਈਆਰ ਦਰਜ ਕੀਤੀ ਗਈ ਹੈ।