ਖਬਰ ਫਿਲੋਰ ਤੋਂ ਹੈ ਜਿੱਥੇ ਕਿ ਸਤਲੁਜ ਦਰਿਆ ਵਿੱਚ ਮੂਰਤੀ ਵਿਸਰਜਨ ਕਰਨ ਆਇਆ ਇੱਕ ਨੌਜ਼ਵਾਨ ਦਰਿਆ ਵਿੱਚ ਰੁੜ ਗਿਆ। ਪਾਣੀ ਵਿੱਚ ਰੁੜਨ ਵਾਲੇ ਨੌਜ਼ਵਾਨ ਦੀ ਪਹਿਚਾਣ ਧੀਰਜ ਪੱੁੱਤਰ ਮਹਿੰਦਰ ਵਾਸੀ ਲੁਧਿਆਣਾ ਵਜੋਂ ਹੋਈ ਹੈ। ਜੋ ਕਿ ਸਤਲੁਜ ਦਰਿਆ ਵਿੱਚ ਆਪਣੇ ਪਰਿਵਾਰ ਨਾਲ ਮੂਰਤੀ ਵਿਸਰਜਨ ਕਰਨ ਲਈ ਆਇਆ ਹੋਇਆ ਸੀ। ਪਰਿਵਾਰਕ ਮੈਂਬਰਾਂ ਮੁਤਾਬਿਕ ਜਦੋਂ ਉਹ ਮੂਰਤੀ ਵਿਸਰਜਨ ਕਰਨ ਲੱਗੇ ਤਾਂ ਅਚਾਨਕ ਹੀ ਧੀਰਜ ਪਾਣੀ ਵਿੱਚ ਡਿੱਗ ਗਿਆ ਜਿਸ ਤੋਂ ਬਾਅਦ ਉਨਾਂ ਤਰੁੰਤ ਹੀ ਫਿਲੋਰ ਪੁਲਿਸ ਅਤੇ ਲਾਡੋਵਾਲ ਪੁਲਿਸ ਨੂੰ ਸੂਚਿਤ ਕੀਤਾ। ਪਰਿਵਾਰਕ ਮੈਂਬਰਾਂ ਮੁਤਾਬਿਕ ਧੀਰਜ ਵਿਆਹਿਆ ਹੋਇਆ ਹੈ ਤੇ ਉਸ ਦਾ ਇੱਕ ਸਾਲ ਦਾ ਪੱੁਤਰ ਵੀ ਹੈ। ਉਧਰ ਪੁਲਿਸ ਅਧਿਕਾਰੀ ਵਿਕਰਮਜੀਤ ਸਿੰਘ ਦਾ ਕਹਿਣਾ ਹੈ ਕਿ ਗੋਤਾਖੋਰਾਂ ਦੀ ਮੱਦਦ ਨਾਲ ਪਾਣੀ ਵਿੱਚ ਰੁੜੇ ਨੌਜ਼ਵਾਨ ਦੀ ਭਾਲ ਕੀਤੀ ਜਾ ਰਹੀ ਹੈ।