ਹਿੰਦੁਸਤਾਨ ਦੇ ਰਾਜਨੀਤਿਕ ਇਤਿਹਾਸ ’ਚ ਪੰਜਾਬ ਸਰਕਾਰ ਦਾ ਨਿਵੇਕਲਾ ਫ਼ੈਸਲਾ ਲਿਆ ਹੈ। ਇਸ ਬਾਰੇ ਆਪ ਬੁਲਾਰੇ ਨੀਲ ਗਰਗ ਨੇ ਜਾਣਕਾਰੀ ਦਿੰਦਿਆ ਕਿਹਾ ਕਿ ਸੂਬੇ ’ਚ ’ਰੰਗਲਾ ਪੰਜਾਬ’ ਵਿਕਾਸ ਯੋਜਨਾ ਲਾਗੂ ਕੀਤੀ ਜਾਵੇਗੀ। ਇਸ ਯੋਜਨ ਲਈ 585 ਕਰੋੜ ਰੁਪਏ ਦਾ ਵਿਸ਼ੇਸ਼ ਫ਼ੰਡ ਰਾਖਵਾਂ ਰੱਖਿਆ ਗਿਆ ਹੈ। ਉਨ੍ਹਾਂ ਦੱਸਿਆ ਕਿ ਕੈਬਨਿਟ ਵਿਚ ਇਹ ਫ਼ੈਸਲਾ ਲਿਆ ਗਿਆ ਹੈ। ਇਸ ਫ਼ੰਡ ਦੀ ਵਰਤੋਂ ਲਈ ਆਮ ਆਦਮੀ ਤੈਅ ਕਰੇਗਾ ਕਿ ਉਸਦੇ ਇਲਾਕੇ ’ਚ ਵਿਕਾਸ ਦੇ ਕਿਹੜੇ ਕੰਮ ਕਿੱਥੇ ਹੋਣੇ ਹਨ । ਨੀਲ ਗਰਗ ਨੇ ਕਿਹਾ ਮਾਨ ਸਰਕਾਰ ਇਸ ਲਈ ਜਾਣੀ ਜਾਂਦੀ ਹੈ,ਕਿਉਂਕਿ ਉਹ ਲੋਕ ਹਿੱਤ ਵਿਚ ਫ਼ੈਸਲੇ ਲੈਂਦੀ ਹੈ। ਉਨ੍ਹਾਂ ਕਿਹਾ ਕਿ ਆਮ ਆਦਮੀ ਪਾਰਟੀ ਦੀ ਰਾਜਨੀਤੀ ਦੇ ਕੇਂਦਰ ਵਿਚ ਆਮ ਲੋਕ ਹਨ। ਇਸ ਯੋਜਨਾ ’ਚ ਸਮਾਜਿਕ ਸੰਕਲਪ, ਹਲਕੇ ਦੇ ਆਮ ਲੋਕ ਹਲਕੇ ਦੇ ਮੋਹਤਬਰ ਇਨਸਾਨ ਉਹ ਤੈਅ ਕਰਨਗੇ ਕਿ ਇਹ ਪੈਸਾ ਕਿਸ ਵਿਕਾਸ ਲਈ ਅਤੇ ਕਿਥੇ ਲੱਗੇਗਾ।