ਪਟਿਆਲਾ ਦੇ ਆਨੰਦ ਨਗਰ ਵਿੱਚ ਰਹਿੰਦੇ ਇੱਕ ਪਰਿਵਾਰ ਦਾ 13 ਸਾਲ ਦਾ ਲੜਕਾ ਸ਼ਰਨ ਜਿਸ ਨੂੰ ਉਹਦੇ ਚਾਚਿਆਂ ਵੱਲੋਂ ਹੀ ਸੁੱਤਿਆਂ ਨੂੰ ਮੌਤ ਦੇ ਘਾਟ ਉਤਾਰਨ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ। ਜਦੋਂ ਨੌਜਵਾਨ ਦਾ ਕਤਲ ਹੋਇਆ ਤਾਂ ਮਾਤਾ ਸੈਰ ਕਰਨ ਗਏ ਹੋਏ ਸੀ, ਮਾਤਾ ਨੇ ਘਰ ਵਾਪਸ ਆ ਕੇ ਦੇਖਿਆ ਤਾਂ ਮੰਜੇ ਦੇ ਉੱਪਰ ਸ਼ਰਨ ਦੀ ਲਾਸ਼ ਪਈ ਸੀ । ਨੌਜਵਾਨ ਸ਼ਰਨ ਖੂਨੋਂ ਖੂਨ ਸੀ ਤੇ ਉਸ ਦੇ ਪੇਟ ’ਚ ਚਾਕੂ ਗੱਡਿਆ ਹੋਇਆ ਸੀ, ਜੋ ਕਿ ਉਹਦੀ ਮਾਤਾ ਵੱਲੋਂ ਕੱਢਿਆ ਗਿਆ। ਪਰਿਵਾਰ ਵਲੋਂ ਸ਼ੱਕ ਜਤਾਇਆ ਜਾ ਰਿਹਾ ਹੈ ਕਿ ਇਸ ਘਟਨਾ ਨੂੰ ਮ੍ਰਿਤਕ ਨੌਜਵਾਨ ਦੇ ਚਾਚਿਆਂ ਵਲੋਂ ਮੌਤ ਦੇ ਘਾਟ ਉਤਾਰਿਆ ਗਿਆ ਹੈ। ਪਰਿਵਾਰ ਦੇ ਬਿਆਨਾਂ ਦੇ ਅਧਾਰ ’ਤੇ ਪੁਲਿਸ ਨੇ ਜਾਂਚ ਕਰਦੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।