ਫਿਰੋਜ਼ਪੁਰ ਵਿਚ ਧੁੰਦ ਦਾ ਕਹਿਰ ਨਜ਼ਰ ਆਇਆ। ਪਿੰਡ ਮਨਸੂਰਵਾਲ ਵਿਚ ਟੈਂਪੂ ਅਤੇ ਸਕੂਲ ਵੈਨ ਵਿਚਕਾਰ ਭਿਆਨਕ ਟੱਕਰ ਹੋਈ ਹੈ। ਜਾਣਕਾਰੀ ਮਿਲੀ ਹੈ ਕਿ ਇਕ ਬੱਚੇ ਦੀ ਮੌਤ ਹੋ ਗਈ ਹੈ, ਜਦ ਕਿ ਇਕ ਗੰਭੀਰ ਜ਼ਖਮੀ ਹੋ ਗਿਆ ਹੈ। ਪਿੰਡ ਮਨਸੂਰਵਾਲ ਤੋਂ ਪੰਡੋਰੀ ਖੱਤਰੀਆਂ ਵਾਲਾ ਦੇ ਵਿਚਕਾਰ ਧੁੰਦ ਕਾਰਨ ਹਾਦਸਾ ਵਾਪਰਿਆ ਹੈ। ਮ੍ਰਿਤਕ ਦੀ ਪਛਾਣ ਪਿੰਡ ਮਨਸੂਰਵਾਲ ਦੇ ਰਹਿਣ ਵਾਲੇ ਕਰੀਬ 14 ਸਾਲਾ ਵਿਦਿਆਰਥੀ ਹਸਕਰਨ ਪੁੱਤਰ ਗੁਰਪ੍ਰੀਤ ਸਿੰਘ ਵਜੋਂ ਹੋਈ ਹੈ, ਜੋ ਸਰਕਾਰੀ ਸਕੂਲ ਪੰਡੋਰੀ ਖੱਤਰੀਆਂ ਦਾ ਨੌਵੀਂ ਜਮਾਤ ਦਾ ਵਿਦਿਆਰਥੀ ਸੀ, ਜਦੋਕਿ ਉਸ ਦਾ ਇਕ ਹੋਰ ਸਾਥੀ ਵਿਦਿਆਰਥੀ ਗੁਰਵਿੰਦਰ ਸਿੰਘ ਗੰਭੀਰ ਜਖਮੀ ਹੈ।