ਇਕ ਵੱਡੀ ਖਬਰ ਹੈ ਫਗਵਾੜਾ ਸ਼ਹਿਰ ਤੋ ਜਿਥੇ ਕਿ ਵਿਜੀਲੈਂਸ ਵਿਭਾਗ ਦੀ ਟੀਮ ਨੇ ਡੀਐਸਪੀ ਜੋਗਿੰਦਰਪਾਲ ਦੀ ਅਗਵਾਈ ’ਚ ਸਿਟੀ ਪੁਲੀਸ ਸਟੇਸ਼ਨ ’ਚ ਛਾਪੇਮਾਰੀ ਕਰਕੇ ਇੱਕ ਥਾਣੇਦਾਰ ਨੂੰ 5 ਹਜ਼ਾਰ ਰੁਪਏ ਦੀ ਰਿਸ਼ਵਤ ਦੇ ਮਾਮਲੇ ’ਚ ਗ੍ਰਿਫ਼ਤਾਰ ਕਰ ਲਿਆ ਹੈ। ਥਾਣੇਦਾਰ ਦੀ ਪਛਾਣ ਸਰਬਜੀਤ ਸਿੰਘ ਵਜੋਂ ਹਈ ਹੈ। ਉਕਤ ਥਾਣੇਦਾਰ ਨੇ ਇੱਕ ਪਿੰਡ ਵਾਸੀ ਨਾਲ ਸਬੰਧਿਤ ਕੇਸ ਨੂੰ ਠੀਕ ਕਰਨ ਦੇ ਬਦਲੇ ਇਹ ਰਿਸ਼ਵਤ ਮੰਗੀ ਸੀ ਜਿਸ ਦੀ ਸ਼ਿਕਾਇਤ ਉਸ ਨੇ ਵਿਜੀਲੈਂਸ ਨੂੰ ਕਰ ਦਿੱਤੀ ਸੀ। ਜਿਸ ਉਪਰੰਤ ਵਿਜੀਲੈਂਸ ਵਲੋਂ ਕਾਰਵਾਈ ਕਰਦਿਆਂ ਉਕਤ ਥਾਣੇਦਾਰ ਨੂੰ ਰਿਸ਼ਵਤ ਲੈਂਦਿਆ ਰੰਗੇ ਹੱਥੀ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਅਧਿਕਾਰੀ ਨੂੰਂ ਗ੍ਰਿਫਤਾਰ ਕਰਨ ਤੋ ਬਾਦ ਲੰਬਾ ਸਮਾਂ ਵਿਜੀਲੈਂਸ ਦੀ ਕਾਰਵਾਈ ਥਾਣੇ ਅੰਦਰ ਜਾਰੀ ਰਹੀ ਰਾਤ ਸਮੇਂ ਹੀ ਵਿਜੀਲੈਂਸ ਪੁਲਿਸ ਅਧਿਕਾਰੀ ਨੂੰ ਕਾਬੂ ਕਰਕੇ ਨਾਲ ਲੈ ਗਈ।ਵਿਜੀਲੈਂਸ ਦੀ ਛਾਪੇਮਾਰੀ ਕਾਰਨ ਕਈ ਪੁਲੀਸ ਕਰਮਚਾਰੀਆਂ ’ਚ ਘਬਰਾਹਟ ਪੈਂਦਾ ਹੋ ਗਈ ਹੈ।ਜਦ ਕਿ ਥਾਣਾ ਸਿਟੀ ਦੀ ਐਸ ਐਚ ਓ ਮੋਕੇ ਤੋ ਫਰਾਰ ਹੋ ਗਈ ਸੀ ਸ਼ਹਿਰ ਦੇ ਲੋਕਾਂ ਮੁਤਾਬਕ ਇਹ ਥਾਣਾ ਅੱਜ ਕੱਲ੍ਹ ਕਥਿਤ ਤੌਰ ਤੇ ਭ੍ਰਿਸ਼ਟਾਚਾਰੀ ਦਾ ਵੱਡਾ ਅੱਡਾ ਬਣਿਆ ਹੋਇਆ ਹੈ। ਅਤੇ ਲੋਕਾਂ ਦੇ ਕੇਸਾ ਨੂੰ ਪੁਲੀਸ ਖੁਰਦ ਬੁਰਦ ਕਰਨ ਲਈ ਕਾਫ਼ੀ ਮਸ਼ਹੂਰ ਜਾਣੀ ਜਾ ਰਹੀ ਹੈ।