ਜਲਾਲਾਬਾਦ ਹਲਕੇ ਵਿੱਚ ਮੰਡੀ ਘੁਬਾਇਆ ਤੋਂ ਮੁਹੰਮਦੇ ਵਾਲਾ ਪਿੰਡ ਜਾਣ ਵਾਲੀ ਸੜਕ ’ਤੇ ਹਾਦਸਾ ਵਾਪਰਿਆ। ਇਸ ਹਾਦਸੇ ਦੌਰਾਨ ਬਰੇਜਾ ਗੱਡੀ ਪੂਰੀ ਤਰ੍ਹਾਂ ਨੁਕਸਾਨੀ ਗਈ ਹੈ, ਪਰ ਜਾਨੀ ਨੁਕਸਾਨ ਤੋਂ ਬਚਾਅ ਰਿਹਾ। ਹਾਦਸੇ ਸਮੇਂ ਗੱਡੀ ’ਚ ਦੋ ਵਿਅਕਤੀ ਸਵਾਰ ਸਨ। ਗੱਡੀ ਚਲਾਉਣ ਵਾਲੇ ਨੇ ਦੱਸਿਆ ਕੀ ਜਦੋਂ ਉਹ ਪਿੰਡ ਮੁਹੰਮਦੇ ਵਾਲਾ ਤੋਂ ਘੁਬਾਇਆ ਆ ਰਿਹਾ ਸੀ ਤਾਂ ਰਸਤੇ ਵਿੱਚ ਇੱਕ ਫੈਕਟਰੀ ਹੈ ਜੋ ਹੁਣ ਬੰਦ ਹੋ ਚੁੱਕੀ ਹੈ ਅਤੇ ਉਸ ਫੈਕਟਰੀ ਦਾ ਮਲਬਾ ਇਥੋਂ ਚੁੱਕਿਆ ਜਾ ਰਿਹਾ ਪਰ ਜਦੋਂ ਉਹ ਇਸ ਫੈਕਟਰੀ ਦੇ ਅੱਗੋਂ ਲੰਘਦੇ ਹਨ ਤਾਂ ਇੱਕ ਵੱਡਾ ਖੰਭਾ ਉਹਨਾਂ ਦੀ ਗੱਡੀ ਦੇ ਉੱਤੇ ਆ ਡਿੱਗਿਆ ਅਤੇ ਗੱਡੀ ਦਾ ਫਰੰਟ ਵਾਲਾ ਸ਼ੀਸ਼ਾ ਤੋੜਦਾ ਹੋਇਆ ਕੰਡਕਟਰ ਸੀਟ ’ਤੇ ਬੈਠੇ ਵਿਅਕਤੀ ਦੇ ਆ ਵੱਜਿਆ ,ਪਰ ਘਟਨਾ ਸਮੇਂ ਵਿਅਕਤੀ ਸੀਟ ’ਤੇ ਉੱਪਰ ਲੰਮਾ ਪਿਆ ਹੋਇਆ ਸੀ ਜਿਸ ਕਾਰਨ ਉਸ ਦਾ ਜਾਨੀ ਨੁਕਸਾਨ ਹੋਣ ਤੋਂ ਬਚ ਗਿਆ। ਇਸ ਸਾਰੀ ਘਟਨਾ ਵਿੱਚ ਗੱਡੀ ਦਾ ਬਹੁਤ ਨੁਕਸਾਨ ਹੋ ਗਿਆ। ਕੰਡਕਟਰ ਸੀਟ ’ਤੇ ਬੈਠੇ ਵਿਅਕਤੀ ਦੇ ਪੈਰ ’ਤੇ ਮਾਮੂਲੀ ਸੱਟ ਵੀ ਲੱਗੀ ਹੈ । ਗੱਡੀ ਦੇ ਮਾਲਕ ਵੱਲੋਂ ਪ੍ਰਸ਼ਾਸਨ ਨੂੰ ਬੰਦ ਪਈ ਫੈਕਟਰੀ ਦੇ ਮਾਲਕਾਂ ਉੱਤੇ ਕਾਰਵਾਈ ਕਰਨ ਦੀ ਮੰਗ ਕੀਤੀ ਹੈ ਅਤੇ ਆਪਣੇ ਨੁਕਸਾਨ ਦੀ ਭਰਭਾਈ ਕਰਨ ਲਈ ਵੀ ਕਿਹਾ ਗਿਆ ਹੈ।