ਖੂਹ ‘ਚ ਡਿੱਗੇ ਬੱਚੇ ਨੂੰ ਬਚਾਉਣ ਦੇ ਚੱਕਰ ‘ਚ ਡਿੱਗੇ 30 ਤੋਂ ਜ਼ਿਆਦਾ ਲੋਕ, 4 ਦੀ ਮੌਤ

ਭੋਪਾਲ, 16 ਜੁਲਾਈ – ਮੱਧ ਪ੍ਰਦੇਸ਼ ਦੇ ਬਿਦਿਸ਼ਾ ‘ਚ ਪੈਂਦੇ ਗੰਜ ਬਾਸੌਦਾ ਵਿਖੇ ਖੂਹ ‘ਚ ਡਿੱਗੇ ਬੱਚੇ ਨੂੰ ਬਚਾਉਣ ਲਈ ਖੜੇ 30 ਤੋਂ ਵੱਧ ਲੋਕ ਮਿੱਟੀ ਧਸਣ ਕਾਰਨ ਖੂਹ ਵਿਚ ਡਿੱਗ ਪਏ ਤੇ ਮਿੱਟੀ ਵਿਚ ਧਸ ਗਏ। ਹਾਦਸੇ ਵਿਚ 4 ਲੋਕਾਂ ਦੀ ਮੌਤ ਹੋ ਗਈ ਜਦਕਿ 19 ਨੂੰ ਸੁਰੱਖਿਅਤ ਬਚਾ ਲਿਆ ਗਿਆ।ਰਾਹਤ ਤੇ ਬਚਾਅ ਕਾਰਜ ਜਾਰੀ ਹਨ। ਮੱਧ ਪ੍ਰਦੇਸ਼ ਸਰਕਾਰ ਨੇ ਮ੍ਰਿਤਕਾਂ ਦੇ ਪਰਿਵਾਰਾਂ ਨੂੰ 5-5 ਲੱਖ ਰੁਪਏ ਤੇ ਜਖਮੀਂਆਂ ਨੂੰ 50-50 ਹਜ਼ਾਰ ਰੁਪਏ ਮੁਆਵਜ਼ਾ ਦੇਣ ਦਾ ਐਲਾਨ ਕੀਤਾ ਹੈ ਤੇ ਉਨ੍ਹਾਂ ਦਾ ਇਲਾਜ ਵੀ ਫ੍ਰੀ ਹੋਵੇਗਾ।