ਲੁਧਿਆਣਾ ਦੀ ਸਪੈਸ਼ਲ ਯੂਏਪੀਏ ਅਦਾਲਤ ਦੇ ਜੱਜ ਮੈਡਮ ਸਰੂ ਮਹਿਤਾ ਕੌਸ਼ਿਕ ਵਲੋਂ ਠਾਣਾ ਮਾਛੀਵਾੜਾ ਵਿੱਚ 23 ਜੁਲਾਈ 2010 ਨੂੰ ਐਫ ਆਈ ਆਰ ਨੰਬਰ 154, 4, 5 ਬਾਰੂਦ ਐਕਟ ਤੇ 17, 18, 20 ਯੂਏਪੀਏ ਦੀਆਂ ਧਾਰਾਵਾਂ ਤਹਿਤ ਦਰਜ ਕੇਸ ਦਾ ਫ਼ੈਸਲਾ ਸੁਣਾਇਆ ਹੈ ਜਿਸ ਤਹਿਤ ਚਰਨਜੀਤ ਸਿੰਘ ਉਰਫ਼ ਪਟਿਆਲਵੀ ਵਾਸੀ ਪਿੰਡ ਬੂਟਾ ਸਿੰਘ ਵਾਲਾ, ਜਿਲਾ ਸਾਹਿਬਜ਼ਾਦਾ ਅਜੀਤ ਸਿੰਘ ਨਗਰ-ਮੋਹਾਲੀ ਨੂੰ ਬਰੀ ਕਰ ਦਿੱਤਾ ਹੈ। ਜ਼ਿਕਰਯੋਗ ਹੈ ਇਸ ਕੇਸ ਵਿੱਚ ਗੁਰਮੇਲ ਸਿੰਘ ਬੋਬਾ ਵਾਸੀ ਪਿੰਡ ਬੂਟਾ ਸਿੰਘ ਵਾਲਾ ਨੂੰ 07 ਮਾਰਚ 2012 ਨੂੰ ਬਾਰੂਦ ਐਕਟ ਵਿੱਚ ਵਧੀਕ ਸੈਸ਼ਨਜ਼ ਜੱਜ ਸ੍ਰੀ ਮੁਹੰਮਦ ਗੁਲਜ਼ਾਰ ਨੇ 10 ਸਾਲ ਦੀ ਸਜ਼ਾ ਸੁਣਾਈ ਸੀ ਤੇ ਚਰਨਜੀਤ ਸਿੰਘ ਨੂੰ ਭਗੌੜਾ ਕਰਾਰ ਦਿੱਤਾ ਗਿਆ ਸੀ। ਚਰਨਜੀਤ ਸਿੰਘ ਨੂੰ ਇਸ ਕੇਸ ਵਿਚ ਹਾਈ ਕੋਰਟ ਨੇ ਵੀ ਜ਼ਮਾਨਤ ਨਹੀਂ ਦਿੱਤੀ ਸੀ ਤੇ ਕੇਸ ਦਾ ਨਿਪਟਾਰਾ ਜਲਦ ਕਰਨ ਦੇ ਨਿਰਦੇਸ਼ ਜਾਰੀ ਕੀਤੇ ਸਨ। ਇਸ ਕੇਸ ਵਿਚ ਚਰਨਜੀਤ ਸਿੰਘ ਨੂੰ 24 ਅਪ੍ਰੈਲ 2022 ਨੂੰ ਗ੍ਰਿਫ਼ਤਾਰ ਕੀਤਾ ਗਿਆ ਸੀ। ਇਸ ਕੇਸ ਦੀ ਪੈਰਵਾਈ ਐਡਵੋਕੇਟ ਜਸਪਾਲ ਸਿੰਘ ਮੰਝਪੁਰ, ਐਡਵੋਕੇਟ ਆਨੰਦ ਕੁਮਾਰ, ਐਡਵੋਕੇਟ ਮਨਜੋਤ ਸਿੰਘ ਦਿਓਲ ਤੇ ਐਡਵੋਕੇਟ ਅਰਸ਼ਜੋਤ ਸਿੰਘ ਨੇ ਕੀਤੀ।