ਆਮ ਆਦਮੀ ਪਾਰਟੀ ਦੇ ਸੰਸਦ ਮੈਂਬਰ ਡਾ.ਰਾਜ ਕੁਮਾਰ ਚੱਬੇਵਾਲ ਦਾ ਆਮ ਆਦਮੀ ਪਾਰਟੀ ਦੇ ਫਗਵਾੜਾ ਵਿਧਾਨ ਸਭਾ ਹਲਕੇ ਦਾ ਹਲਕਾ ਇੰਚਾਰਜ ਬਣਨ ਤੋਂ ਬਾਅਦ ਫਗਵਾੜਾ ਦੇ ਸੀਨੀਅਰ ਪੱਤਰਕਾਰ ਸ਼ਿਵ ਕੋੜਾ ਦੇ ਨਿਵਾਸ ਬੰਗਾ ਰੋਡ ਫਗਵਾੜਾ ਵਿਖੇ ਆਏ। ਇਸ ਮੌਕੇ ਤੇ ਊਨਾ ਦੇ ਨਾਲ ਨਗਰ ਨਿਗਮ ਫਗਵਾੜਾ ਦੇ ਮੇਅਰ ਰਾਮਪਾਲ ਉੱਪਲ, ਡੀਐਸਪੀ ਫਗਵਾੜਾ ਸਰਦਾਰ ਪਲਵਿੰਦਰ ਸਿੰਘ,ਵਾਰਡ ਨੰਬਰ 11 ਦੇ ਕੌਂਸਲਰ ਸੁਖਦੇਵ ਸਿੰਘ ਕਾਕਾ ਅਤੇ ਪਾਰਟੀ ਵਰਕਰ ਉਹਨਾਂ ਦੇ ਨਾਲ ਸਨ। ਸ਼ਿਵ ਕੌੜਾ ਨੇ ਸ੍ਰੀ ਚੱਬੇਵਾਲ ਨੂੰ ਹਲਕਾ ਇੰਚਾਰਜ ਬਣਨ ਤੇ ਵਧਾਈ ਦਿੱਤੀ। ਇਸ ਮੌਕੇ ਤੇ ਮਨੀਸ਼ ਕੌੜਾ ਸੁਮਿਤ ਕੌੜਾ ਰਿਸ਼ੀ ਕੌੜਾ ਸਾਹਿਲ ਕੌੜਾ ਅਚਲਾ ਕੋੜਾ ਪਾਰੁਲ ਕੋੜਾ ਦ੍ਰਿਸ਼ਟੀ ਕੌੜਾ ਕ੍ਰਿਸ਼ਿਵ ਕੌੜਾ ਕੇਸ਼ਵ ਕੌੜਾ ਆਦੀ ਮੈਂਬਰ ਹਾਜ਼ਰ ਸਨ। ਸ੍ਰੀ ਚੱਬੇਵਾਲ ਨੇ ਸ੍ਰੀ ਕੋੜਾ ਦੇ ਨਿਵਾਸ ਦੇ ਅਗਲੀ ਅਤੇ ਪਿਛਲੀ ਸੜਕ ਦਾ ਜਾਇਜ਼ਾ ਲਿਆ ਅਤੇ ਇਸ ਨੂੰ ਹਰ ਸਮੇਂ ਸਾਫ ਰੱਖਣ ਦੇ ਆਦੇਸ਼ ਦਿੱਤੇ ਕਿਉਂਕਿ ਧਾਰਮਿਕ ਸਥਾਨ ਬਾਬਾ ਸਿਪਾਹੀਆ ਰੋੜਿਆਂ ਤਲਾਹ ਸ਼ਿਵ ਮੰਦਿਰ ਸ੍ਰੀ ਪੰਚਮੁਖੀ ਹਨੂੰਮਾਨ ਮੰਦਿਰ ਸ਼੍ਰੀ ਕ੍ਰਿਸ਼ਨਾ ਮੰਦਿਰ ਇਸ ਸੜਕ ਦੇ ਉੱਤੇ ਸਥਿਤ ਹਨ ਅਤੇ ਇਹ ਸੜਕ ਸ੍ਰੀ ਸੁਖਚੈਨ ਸਾਹਿਬ ਗੁਰਦੁਆਰਾ ਅਤੇ ਸ੍ਰੀ ਵਿਸ਼ਵਕਰਮਾ ਮੰਦਰ ਨੂੰ ਜਾਂਦੀ ਹੈ। ਸ੍ਰੀ ਚੱਬੇਵਾਲ ਨੇ ਦੱਸਿਆ ਕਿ ਮੈ ਪੁਰਾਣੇ ਲੋਕਾਂ ਦੇ ਤਜਰਬੇ ਦਾ ਫਾਇਦਾ ਲਵਾਂਗਾ। ਇਸ ਮੌਕੇ ਤੇ ਪੁਰਾਣੀਆਂ ਯਾਦਾਂ ਤਾਜ਼ੀਆਂ ਕਰਦੇ ਹੋਏ ਉਨ੍ਹਾਂ ਨੇ ਸ਼ਿਵ ਕੌੜਾ ਨੂੰ ਦੱਸਿਆ ਕਿ ਸ਼ਹਿਰ ਦੇ ਕੁੱਲ 50 ਵਾਰਡ ਹਨ ਅਤੇ ਪੂਰੇ 50 ਵਾਰਡਾਂ ਦੇ ਵਿੱਚ ਹੀ ਮੈਂ ਜਲਦੀ ਹੀ ਸਫਾਈ ਦਾ ਅਤੇ ਸਟਰੀਟ ਲਾਈਟ ਦਾ ਉਚਿਤ ਪ੍ਰਬੰਧ ਕਰਵਾ ਰਿਹਾ ਹਾਂ ਅਤੇ ਅਸੀਂ ਪਹਿਲ ਦੇ ਆਧਾਰ ਤੇ ਸ਼ਹਿਰ ਦੇ ਵਿੱਚ ਪੁਰਾਣੇ ਡੰਪਾਂ ਨੂੰ ਖਤਮ ਕਰਾਂਗੇ।