‘ਦੀ ਭੰਗੜਾ ਅਕੈਡਮੀ’ ਟੋਰਾਂਟੋ/ ਬਰਮਟਨ ਵੱਲੋਂ ਪ੍ਰਸਿੱਧ ਗੀਤਕਾਰ ਮੰਗਲ ਹਠੂਰ ਨੂੰ ਸਨਮਾਨਿਤ ਕੀਤਾ ਗਿਆ। ਟੋਰਾਂਟੋ ਤੋਂ ਸਾਡੇ ਪੱਤਰਕਾਰ ਰਾਘਵ ਕੌੜਾ ਨਾਲ ਵਿਸ਼ੇਸ਼ ਗੱਲਬਾਤ ਕਰਦੇ ਹੋਏ ਅਕੈਡਮੀ ਦੇ ਮਾਲਕ ਹਰਜੋਤ ਸਿੰਘ ਨੇ ਦੱਸਿਆ ਕਿ ਇਸ ਕਾਮਯਾਬੀ ਦਾ ਸਿਹਰਾ ਮੇਰੇ ਪਰਿਵਾਰ ਅਤੇ ਮੇਰੀ ਟੀਮ ਨੂੰ ਜਾਂਦਾ ਹੈ। ਇਸ ਮੌਕੇ ਜਿੱਥੇ ਪੰਜਾਬੀ ਸਾਹਿਤ ਅਤੇ ਸੰਗੀਤ ਨਾਲ ਜੁੜੇ ਲੋਕ ਸਾਮਿਲ ਹੋਏ। ਉੱਥੇ ਹੀ ਦੇਸ਼ ਵਿਦੇਸ਼ਾਂ ਦੇ ਪ੍ਰਸਿੱਧ ਗੀਤਕਾਰ ਮੰਗਲ ਹਠੂਰ ਦਾ ਅਕੈਡਮੀ ਵੱਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਯਾਦ ਰਹੇ ਪ੍ਰਸਿੱਧ ਪੰਜਾਬੀ ਗੀਤਕਾਰ ਮੰਗਲ ਹਠੂ ਪੰਜਾਬੀ ਸੰਗੀਤ ਉਦਯੋਗ ਵਿੱਚ ਇੱਕ ਬਹੁਤ ਹੀ ਮਸ਼ਹੂਰ ਅਤੇ ਅਨੁਭਵੀ ਗੀਤਕਾਰ ਅਤੇ ਗਾਇਕ ਹੈ। ਉਸਨੇ ਵਾਰਿਸ ਬ੍ਰਦਰਜ਼, ਕਮਲ ਹੀਰ, ਮਨਮੋਹਨ ਵਾਰਿਸ ਅਤੇ ਸੰਗਤਾਰ ਵਰਗੇ ਪ੍ਰਸਿੱਧ ਪੰਜਾਬੀ ਕਲਾਕਾਰਾਂ ਲਈ ਕਈ ਸੁਪਰਹਿੱਟ ਅਤੇ ਅਰਥਪੂਰਨ ਗੀਤ ਲਿਖੇ ਹਨ। ਉਸਦੇ ਗੀਤ ਆਪਣੀ ਡੂੰਘੇ ਸ਼ਬਦਾਵਲੀ ਅਤੇ ਸੱਭਿਆਚਾਰਕ ਸਬੰਧ ਲਈ ਜਾਣੇ ਜਾਂਦੇ ਹਨ। ਅਕੈਡਮੀ ਦੇ ਹਰਜੋਤ ਸਿੰਘ ਨੇ ਦੱਸਿਆ ਕਿ ਮੰਗਲ ਹਠੂਰ ਸਾਫ ਸੁੱਥਰੀ ਲੇਖਣੀ ਦੀ ਇੱਕ ਵੱਡੀ ਪਹਿਚਾਣ ਹੈ। ਜਿਸ ਦੇ ਲਿਖੇ ਅਤੇ ਰਿਕਾਰਡ ਹੋਏ ਗੀਤ ਹਰ ਕੋਈ ਆਪੋ ਆਪਣੇ ਪਰਿਵਾਰਾਂ ਵਿਚ ਬੈਠ ਕੇ ਸੁਣ ਸਕਦਾ ਹੈ। ਇਸ ਮੌਕੇ ਪ੍ਰਸਿੱਧ ਗਾਇਕ ਹੈਰੀ ਸੰਧੂ ਅਤੇ ਪਰਮਜੀਤ ਹੰਸ ਵੱਲੋਂ ਕੁਝ ਗੀਤ ਵੀ ਸੁਣਾਏ ਗਏ। ਪਰਮਜੀਤ ਹੰਸ ਨੇ ਗੀਤ ਗਾ ਕੇ ਅਕੈਡਮੀ ਦੀ ਟੀਮ ਵੱਲੋਂ ਭੰਗੜਾ ਪੇਸ਼ ਕਰਕੇ ਖੂਬ ਰੰਗ ਬੰਨਿਆ ਅੰਤ ਵਿੱਚ ਸਾਰੇ ਹੀ ਬੁਲਾਰਿਆਂ ਨੇ ਭੰਗੜਾ ਅਕੈਡਮੀ ਦੇ ਮਾਲਕ ਹਰਜੋਤ ਸਿੰਘ ਦਾ ਭੰਗੜਾ ਅਕੈਡਮੀ ਦੀ ਸੋਚ ਦੀ ਪ੍ਰਸ਼ੰਸਾ ਕਰਦਿਆਂ ਕਿਹਾ ਕਿ ਇਸ ਨਾਲ ਨੌਜਵਾਨ ਪੀੜੀ ਨਸ਼ਿਆਂ ਤੋਂ ਦੂਰ ਰਹਿੰਦੀ ਹੈ ਅਤੇ ਆਪਣੀ ਸਿਹਤ ਬਰਕਰਾਰ ਰੱਖਦੀ ਹੈ। ਤੰਦਰੁਸਤੀ ਵਰਗਾ ਖਜ਼ਾਨਾ ਕੁਛ ਵੀ ਨਹੀਂ ਹੈ ਦੁਨੀਆ ਵਿੱਚ ਹਰ ਚੀਜ਼ ਦੇ ਵੰਡੇ ਪੈ ਜਾਂਦੇ ਹਨ। ਪਰ ਤੁਹਾਡੀ ਸਿਹਤ ਤੁਹਾਡੇ ਕੋਲ ਹੀ ਰਹਿੰਦੀ ਹੈ ਇਸ ਮੌਕੇ ਤੇ ਹਰਜੋਤ ਤੇ ਪਿਤਾ ਅਰਵਿੰਦਰ ਸਿੰਘ ਅਤੇ ਮਾਤਾ ਅਪਨਜੀਤ ਕੌਰ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਹੋਏ ਅਤੇ ਉਹਨਾਂ ਨੂੰ ਇਸ ਗੱਲ ਦਾ ਮਾਣ ਹੈ ਕਿ ਸਾਡੇ ਪੁੱਤਰ ਨੇ ਭੰਗੜਾ ਅਕੈਡਮੀ ਖੋਲੀ ਹੈ। ਇਸ ਮੌਕੇ ਤੇ ਮੰਗਲ ਹਠੂਰ,ਪਰਮਜੀਤ ਹੰਸ, ਹੈਰੀ ਸੰਧੂ, ਗਗਨਪ੍ਰੀਤ ਸਿੰਘ, ਪੱਤਰਕਾਰ ਰਾਘਵ ਕੌੜਾ, ਰਾਜੇਸ਼ ਚੋਪੜਾ, ਅਮਿਤਾ ਚੋਪੜਾ, ਤਮਨ ਅਤੇ ਪਰਿਵਾਰ ਦੇ ਮੈਂਬਰ ਅਤੇ ਅਕੈਡਮੀ ਦੇ ਲੋਕ ਸ਼ਾਮਿਲ ਸਨ।