ਫਾਜ਼ਿਲਕਾ ਦੀ ਸਬ ਡਵੀਜ਼ਨ ਮੰਡੀ ਅਰਨੀਵਾਲਾ ਤੋਂ ਡੱਬਵਾਲਾ ਕਲਾਂ (ਅਬੋਹਰ) ਰੋਡ ਤੇ ਬੈਟਰੀ ਵਾਲੀ ਸਕੂਟਰੀ ਤੇ ਮਾਲ ਨਾਲ ਭਰੇ ਕੈਂਟਰ ਵਿਚਕਾਰ ਭਿਆਨਕ ਐਕਸੀਡੈਂਟ ਹੋਇਆ ਹੈ। ਜਿਸ ਚ ਬੁਰਜ ਹਨੂੰਮਾਨਗੜ੍ਹ ਦੀ 15 ਸਾਲਾ ਬੱਚੀ ਸੁਖਮਨ ਕੌਰ ਸੰਧੂ ਪੁਤਰੀ ਮਰਹੂਮ ਸੁਖਪਾਲ ਸਿੰਘ ਦੀ ਮੌਕੇ ਤੇ ਹੀ ਮੌਤ ਹੋ ਗਈ। ਮੌਕੇ ਤੇ ਮੌਜੂਦ ਲੋਕਾਂ ਨੇ ਦੱਸਿਆ ਕਿ ਕੈਂਟਰ ਡੱਬਵਾਲਾ ਕਲਾਂ ਅਬੋਹਰ ਵਾਲੇ ਪਾਸੇ ਤੋ ਆ ਰਿਹਾ ਸੀ ਤੇ ਦਾਦੀ ਪੋਤੀ ਅਰਨੀਵਾਲਾ ਸ਼ਹਿਰ ਵਾਲੇ ਪਾਸੇ ਤੋ ਆ ਰਹੀਆਂ ਸਨ। ਆਮਣੇ ਸਾਮਣੇ ਤੋ ਹੋਏ ਇਸ ਭਿਆਨਕ ਤੇ ਦਰਦਨਾਕ ਐਕਸੀਡੈਂਟ ’ਚ ਬੱਚੀ ਦੇ ਸਿਰ ’ਤੇ ਕੈਂਟਰ ਚੜ੍ਹ ਗਿਆ, ਜਿਸ ਦੌਰਾਨ ਸੁਖਮਨ ਕੌਰ ਦੀ ਮੌਕੇ ’ਤੇ ਹੀ ਮੌਤ ਹੋ ਗਈ ਅਤੇ ਉਸ ਦੀ ਦਾਦੀ ਸੜਕ ਦੇ ਦੂਜੇ ਪਾਸੇ ਕੱਚੇ ’ਤੇ ਡਿੱਗ ਗਈ। ਮੌਕੇ ’ਤੇ ਪਹੁੰਚ ਸਥਾਨਕ ਪੁਲਿਸ ਨੇ ਮ੍ਰਿਤਕ ਸੁਖਮਨ ਦੀ ਲਾਸ਼ ਨੂੰ ਕਬਜੇ ’ਚ ਲੈ ਕੇ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਫਾਜ਼ਿਲਕਾ ਭੇਜ ਦਿਤਾ ਹੈ ਤੇ ਡਰਾਇਵਰ ਨੂੰ ਕਾਬੂ ਕਰ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ। ਕੈਂਟਰ ਚਾਲਕ ਵੀ ਨਾਲ ਦੇ ਹੀ ਪਿੰਡ ਮੁਰਾਦ ਵਾਲਾ ਦਲ ਸਿੰਘ ਦਾ ਦੱਸਿਆ ਜਾ ਰਿਹਾ ਹੈ। ਇਸ ਮੌਕੇ ਪਿੰਡ ਦੇ ਸਰਪੰਚ ਜਸਕਰਨ ਸਿੰਘ ਨੇ ਦੱਸਿਆ ਕਿ ਉਸ ਦੇ ਪਿੰਡ ਦੇ ਸੁਖਦੇਵ ਸਿੰਘ ਸੰਧੂ ਦੀ ਪੋਤੀ ਸੁਖਮਨ ਕੌਰ ਆਪਣੀ ਦਾਦੀ ਨਾਲ ਅਰਨੀਵਾਲਾ ਤੋਂ ਘਰ ਵਾਪਸ ਆ ਰਹੀ ਸੀ ਤਾਂ ਰਸਤੇ ’ਚ ਕੈਂਟਰ ਨਾਲ ਐਕਸੀਡੈਂਟ ਹੋ ਗਿਆ। ਸੁਖਮਨ ਦੀ ਮੌਕੇ ’ਤੇ ਮੌਤ ਹੋ ਗਈ। ਸੁਖਮਨ ਦੀ ਲਾਸ਼ ਪੋਸਟਮਾਰਟਮ ਲਈ ਸਿਵਲ ਹਸਪਤਾਲ ਫਾਜ਼ਿਲਕਾ ਲਿਜਾਈ ਗਈ ਹੈ। ਪੁਲਿਸ ਪ੍ਰਸ਼ਾਸਨ ਆਪਣਾ ਕੰਮ ਕਰ ਰਿਹਾ ਹੈ। ਮੌਕੇ ’ਤੇ ਮੌਜੂਦ ਚਸ਼ਮਦੀਦਾਂ ਨੇ ਦੱਸਿਆ ਕਿ ਕੈਂਟਰ ਓਵਰ ਲੋਡ ਹੋਣ ਕਰਕੇ ਉਹ ਸੜਕ ਉਪਰ ਕਿੱਕਰ ਤੋਂ ਬਚਾਉਂਦਾ ਹੋਇਆ ਸਿੱਧਾ ਹੀ ਐਕਟਿਵਾ ’ਤੇ ਚੜਾ ਦਿੱਤਾ। ਜਿਸ ਦੌਰਾਨ ਸੁਖਮਨ ਕੌਰ ਦੀ ਮੌਕੇ ਤੇ ਹੀ ਮੌਤ ਹੋ ਗਈ। ਡਰਾਇਵਰ ਨੂਸ਼ ਮੌਕੇ ’ਤੇ ਕਾਬੂ ਕਰਕੇ ਪੁਲਿਸ ਹਵਾਲੇ ਕਰ ਦਿੱਤਾ ਹੈ।