ਸਵਾਰੀਆਂ ਨਾਲ ਭਰੀਆਂ ਬੱਸਾਂ ਦੀ ਆਹਮਣੋ ਸਾਹਮਣੇ ਹੋਈ ਟੱਕਰ ਦੌਰਾਨ ਸਵਾਰੀਆਂ ਅਤੇ ਡਰਾੲੀਵਰ ਜ਼ਖ਼ਮੀ

ਗੁਰਾਇਆ (ਮੁਨੀਸ਼ ਬਾਵਾ):-ਗੁਰਾਇਆ ਨਜ਼ਦੀਕ ਪੈਂਦੇ ਪਿੰਡ ਰੁੜਕਾ ਕਲਾਂ ‘ਚ ਦੋ ਬੱਸਾ ਦੀ ਸਿੱਧੀ ਟੱਕਰ ਹੋ ਗਈ, ਇਸ ਟੱਕਰ ਦੌਰਾਨ ਦੋਵਾਂ ਬੱਸਾ ‘ਚ ਬੈਠੀਆ ਸਵਾਰੀਆ ਨੂੰ ਮਾਮੂਲੀ ਸੱਟਾ ਵੀ ਲੱਗੀਆ। ਜਲੰਧਰ ‘ਚ ਕਿਸਾਨੀ ਧਰਨਾ ਲੱਗਾ ਹੋਣ ਕਰਕੇ ਪ੍ਰਸ਼ਾਸ਼ਨ ਵਲੋਂ ਰੂਟ ਡਿਵਾਰਟ ਕੀਤਾ ਹੋਇਆ ਹੈ, ਜਿਸ ਦੇ ਚੱਲਦਿਆ ਲੁਧਿਆਣਾ ਤੋ ਜਲੰਧਰ ਨੂੰ ਜਾਣ ਵਾਲੀਆ ਬੱਸਾ ਗੁਰਾਇਆ ਤੋ ਜੰਡਿਆਲਾ ਰੋਡ ਰਾਹੀ ਜਲੰਧਰ ਨੂੰ ਜਾਂਦੀਆ ਹਨ। ਇਸੇ ਤਰਾ ਲੁਧਿਆਣਾ ਤੋ ਜਲੰਧਰ ਨੂੰ ਜਾ ਰਹੀ ਬੱਸ ਜਦ ਗੁਰਾਇਆ ਨੇੜਲੇ ਪਿੰਡ ਰੁੜਕਾ ਕਲਾਂ ਪੁੱਜੀ ਤਾਂ ਸਾਹਮਣੇ ਤੋ ਆ ਰਹੀ ਮਿੰਨੀ ਬੱਸ ਨਾਲ ਸਿੱਧੀ ਟੱਕਰ ਹੋ ਗਈ ਅਤੇ ਇਸ ਹਾਦਸੇ ਤੋ ਬਾਦ ਇਸ ਰਸਤੇ ਰਾਹੀ ਲੰਘਣ ਵਾਲੇ ਲੋਕਾਂ ਨੂੰ ਵੀ ਕਾਫੀ ਮੁਸ਼ਕਿਲਾ ਦਾ ਸਾਹਮਣਾ ਕਰਨਾ ਪਿਆ। ਇਸ ਮੌਕੇ ਜਾਣਕਾਰੀ ਦਿੰਦੇ ਹੋਏ ਇਸ ਹਾਦਸੇ ਦਾ ਸ਼ਿਕਾਰ ਹੋਈਆ ਸਵਾਰੀਆ ਨੇ ਕਿਹਾ ਕਿ ਇਸ ਸੜਕੀ ਹਾਦਸੇ ‘ਚ ਜਿਥੇ ਲੋਕਾਂ ਨੂੰ ਮਾਮੂਲੀ ਸੱਟਾ ਲੱਗੀਆ ਹਨ, ਉਥੇ ਹੀ ਲੋਕ ਆਪਣੇ ਮੰਜਲ ਤੱਕ ਜਾਣ ਲਈ ਵੀ ਕਾਫੀ ਖੱਜਲ ਖੁਆਰ ਹੋ ਰਹੇ ਹਨ। ਮੌਕੇ ਤੇ ਪੁੱਜੇ ਚੌਂਕੇ ਚਾਰਜ ਰੁੜਕਾ ਕਲਾਂ ਹਰਜੀਤ ਸਿੰਘ ਨੇ ਕਿਹਾ ਕਿ ਪੁਲਿਸ ਵਲੋਂ ਇਸ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਜੋ ਵੀ ਦੋਸ਼ੀ ਪਾਇਆ ਗਿਆ, ਉਸ ਵਿਰੁੱਧ ਬਣਦੀ ਕਾਨੂੰਨੀ ਕਾਰਵਾਈ ਕੀਤੀ ਜਾਵੇਗੀ।