ਭਾਰਤ-ਇੰਗਲੈਂਡ ਚੌਥਾ ਟੈਸਟ – ਲੰਚ ਤੱਕ ਭਾਰਤ 329/6

ਲੰਡਨ, 5 ਸਤੰਬਰ – ਭਾਰਤ ਅਤੇ ਇੰਗਲੈਂਡ ਦੀਆਂ ਟੀਮਾਂ ਵਿਚਕਾਰ ਚੌਥੇ ਕ੍ਰਿਕੇਟ ਟੈਸਟ ਮੈਚ ਦੇ ਚੌਥੇ ਦਿਨ ਲੰਚ ਤੱਕ ਭਾਰਤ ਨੇ 6 ਵਿਕਟਾਂ ਦੇ ਨੁਕਸਾਨ ‘ਤੇ 329 ਦੌੜਾਂ ਬਣਾ ਲਈਆਂ ਸਨ। ਰਿਸ਼ਵ ਪੰਤ 16 ਅਤੇ ਸ਼ਾਰਦੁਲ ਠਾਕੁਰ 11 ਦੌੜਾਂ ਬਣਾ ਕੇ ਖੇਡ ਰਹੇ ਹਨ। ਇਸ ਤੋਂ ਪਹਿਲਾਂ ਅੱਜ ਚੌਥੇ ਦਿਨ ਦੇ ਖੇਡ ਦੀ ਸ਼ੁਰੂਆਤ ਭਾਰਤ ਲਈ ਖਰਾਬ ਰਹੀ। 3 ਵਿਕਟਾਂ ਦੇ ਨੁਕਸਾਨ ‘ਤੇ 270 ਦੌੜਾਂ ਤੋਂ ਅੱਗੇ ਖੇਡਦੇ ਹੋਏ ਭਾਰਤ ਦੇ ਬੱਲੇਬਾਜ਼ ਰਵਿੰਦਰ ਜਡੇਜਾ 17 ਦੌੜਾਂ ਬਣਾ ਕੇ ਕ੍ਰਿਸਨ ਵੋਕਸ ਦੀ ਗੇਂਦ ‘ਤੇ lbw ਆਊਟ ਹੋ ਗਏ, ਉਸ ਤੋਂ ਬਾਅਦ ਆਏ ਅਜਿੰਕਿਆ ਰਹਾਣੇ ਆਪਣਾ ਖਾਤਾ ਵੀ ਨਾ ਖੋਲ ਸਕੇ, ਜੋ ਕਿ ਕ੍ਰਿਸ ਵੋਕਸ ਦੀ ਹੀ ਗੇਂਦ ‘ਤੇ lbw ਆਊਟ ਹੋ ਗਏ। ਇਸ ਤੋਂ ਬਾਅਦ ਕਪਤਾਲ ਵਿਰਾਟ ਕੋਹਲੀ ਵੀ 44 ਦੌੜਾਂ ‘ਤੇ ਮੋਇਨ ਅਲੀ ਦੀ ਗੇਂਦ ‘ਤੇ ਸਲਿੱਪ ‘ਤੇ ਓਵਰਟਨ ਨੂੰ ਕੈਚ ਦੇ ਬੈਠੇ।