ਦੇਸ਼ ਭਰ ‘ਚ ਸ਼ਰਧਾ ਨਾਲ ਮਨਾਇਆ ਜਾ ਰਿਹੈ ਗਣੇਸ਼ ਚਤੁਰਥੀ ਉਤਸਵ

ਨਵੀਂ ਦਿੱਲੀ, 10 ਸਤੰਬਰ – ਦੇਸ਼ ਭਰ ਵਿਚ ਗਣੇਸ਼ ਚਤੁਰਥੀ ਉਤਸਵ ਬੜੀ ਸ਼ਰਧਾ ਨਾਲ ਮਨਾਇਆ ਜਾ ਰਿਹਾ ਹੈ। ਰਾਸ਼ਟਰਪਤੀ ਰਾਮਨਾਥ ਕੋਵਿੰਦ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਸਮੂਹ ਦੇਸ਼ ਵਾਸੀਆਂ ਨੂੰ ਗਣੇਸ਼ ਚਤੁਰਥੀ ਉਤਸਵ ਦੀ ਮੁਬਾਰਕਬਾਦ ਦਿੱਤੀ।ਓਧਰ ਮਹਾਂਰਾਸ਼ਟਰ ‘ਚ ਕੋਰੋਨਾ ਮਹਾਂਮਾਰੀ ਦੇ ਚੱਲਦਿਆ ਮੰਦਿਰ ਬੰਦ ਪਏ ਹਨ। ਇਸ ਦੇ ਬਾਵਜੂਦ ਗਣੇਸ਼ ਚਤੁਰਥੀ ‘ਤੇ ਸ਼ਰਧਾਲੂ ਨਾਗਪੁਰ ਵਿਖੇ ਗਣੇਸ਼ ਟੇਕੜੀ ਮੰਦਿਰ ਦੇ ਬਾਹਰ ਇਕੱਠੇ ਹੋਏ। ਸ਼ਰਧਾਲੂਆਂ ਨੇ ਕਿਹਾ ਕਿ ਹੁਣ ਪੱਬ ਅਤੇ ਬਾਰ ਤਾਂ ਖੋਲ੍ਹ ਦਿੱਤੇ ਗਏ ਹਨ, ਤਾਂਫਿਰ ਮੰਦਿਰ ਖੋਲ੍ਹਣ ‘ਚ ਕੀ ਹਰਜ਼ ਹੈ।