ਫਗਵਾੜਾ – ਪੁਰਾਣੀ ਰੰਜਸ਼ ਦੇ ਚੱਲਦਿਆ ਹੋਏ ਹਮਲੇ ‘ਚ ਇੱਕ ਦੀ ਮੌਤ

ਫਗਵਾੜਾ, 24 ਸਤੰਬਰ (ਰਮਨਦੀਪ) ਬੀਤੀ ਰਾਤ ਫਗਵਾੜਾ ਦੇ ਗੰਢਵਾਂ ਪਿੰਡ ਨਜ਼ਦੀਕ ਪੁਰਾਣੀ ਰੰਜਸ਼ ਦੇ ਚੱਲਦਿਆ ਕੁੱਝ ਹਮਲਾਵਰਾਂ ਨੇ ਮੋਟਰਸਾਈਕਲ ‘ਤੇ ਸਵਾਰ ਬਿਸ਼ੰਭਰ ਲਾਲ ਪੁੱਤਰ ਭਗਤਰਾਮ ਅਤੇ ਅਵਤਾਰ ਸਿੰਘ ਪੁੱਤਰ ਗੁਰਦੇਵ ਸਿੰਘ ਦੋਵੇਂ ਵਾਸੀ ਗੰਢਵਾਂ ਨੂੰ ਤੇਜਧਾਰ ਹਥਿਆਰਾਂ ਨਾਲ ਹਮਲਾ ਕਰਕੇ ਜਖਮੀਂ ਕਰ ਦਿੱਤਾ।ਜਖਮੀਂ ਹਾਲਤ ਵਿਚ ਦੋਵਾਂ ਨੂੰ ਸਿਵਲ ਹਸਪਤਾਲ ਲਿਜਾਇਆ ਗਿਆ ਜਿੱਥੇ ਕਿ ਬਿਸ਼ੰਭਰ ਲਾਲ ਦੀ ਹਾਲਤ ਨੂੰ ਗੰਭੀਰ ਦੇਖਦੇ ਹੋਏ ਜਲੰਧਰ ਰੈਫਰ ਕਰ ਦਿੱਤਾ ਗਿਆ ਤੇ ਉੱਥੇ ਉਸ ਦੀ ਮੌਤ ਹੋ ਗਈ।ਓਧਰ ਫਗਵਾੜਾ ਪੁਲਿਸ ਨੇ ਅਵਤਾਰ ਸਿੰਘ ਦੇ ਬਿਆਨਾਂ ‘ਤੇ ਦਰਜਨ ਤੋਂ ਵੱਧ ਵਿਕਤੀਆਂ ਖਿਲਾਫ 302 ਤੇ ਹੋਰ ਧਾਰਵਾਂ ਤਹਿਤ ਮਾਮਲਾ ਦਰਜ ਕਰ ਲਿਆ ਹੈ।