ਦਿੱਲੀ – 3 ਮੰਜ਼ਿਲਾਂ ਮਕਾਨ ਨੂੰ ਲੱਗੀ ਅੱਗ ‘ਚ 4 ਮੌਤਾਂ

ਨਵੀਂ ਦਿੱਲੀ, 26 ਅਕਤੂਬਰ – ਦਿੱਲੀ ਦੇ ਓਲਡ ਸੀਮਾਪੁਰੀ ਇਲਾਕੇ ਵਿਚ ਅੱਜ ਸਵੇਰੇ ਇੱਕ 3 ਮੰਜ਼ਿਲਾਂ ਮਕਾਨ ਨੂੰ ਲੱਗੀ ਅੱਗ ਵਿਚ 4 ਲੋਕਾਂ ਦੀ ਮੌਤ ਹੋ ਗਈ। ਫਾਇਰ ਬ੍ਰਿਗੇਡ ਨੂੰ ਸਵੇਰੇ 4 ਵਜੇ ਦੇ ਕਰੀਬ ਅੱਗ ਲੱਗਣ ਦੀ ਸੂਚਨਾ ਮਿਲੀ ਪਰੰਤੂ ਫਾਇਰ ਬ੍ਰਿਗੇਡ ਨੇ ਮੌਕੇ ‘ਤੇ ਪਹੁੰਚ ਕੇ ਜਦ ਤੱਕ ਅੱਗ ਉੱਪਰ ਕਾਬੂ ਪਾਇਆ ਤਾਂ ਤੀਸਰੀ ਮੰਜ਼ਿਲ ‘ਤੇ ਕਮਰੇ ਵਿਚ ਪਰਿਵਾਰ ਦੇ 4 ਮੈਂਬਰ ਮ੍ਰਿਤਕ ਅਵਸਥਾ ‘ਚ ਪਾਏ ਗਏ। ਮ੍ਰਿਤਕਾਂ ‘ਚ ਹੋਰੀ ਲਾਲ (58 ਸਾਲ), ਉਸ ਦੀ ਪਤਨੀ ਸੀਮਾ (55 ਸਾਲ), ਬੇਟਾ ਆਸ਼ੂ (24 ਸਾਲ ਅਤੇ ਬੇਟੀ ਰੋਹਿਣੀ (18 ਸਾਲ) ਸ਼ਾਮਿਲ ਹਨ। ਫਾਇਰ ਬ੍ਰਿਗੇਡ ਅਨੁਸਾਰ ਸਾਰਿਆਂ ਦੀ ਮੌਤ ਸਾਹ ਘੁਟਣ ਕਾਰਨ ਹੋਈ ਹੈ। ਸ਼ੁਰੂਆਤੀ ਜਾਂਚ ਵਿਚ ਅਜਿਹਾ ਲੱਗਦਾ ਹੈ ਕਿ ਨਾਲ ਅੱਗ ਲੱਗੀ ਤੇ ਕਮਰੇ ‘ਚ ਧੂਆਂ ਭਰ ਗਿਆ।ਹਾਲਾਂਕਿ ਜਾਂਚ ਅਜੇ ਜਾਰੀ ਹੈ ਜਦਕਿ ਪੁਲਿਸ ਅਜੇ ਮਾਮਲੇ ‘ਚ ਕੁੱਝ ਨਹੀਂ ਕਹਿ ਰਹੀ।