ICC U-19 World Cup 2022 : ਭਾਰਤ ਨੇ ਦੱਖਣੀ ਅਫਰੀਕਾ ਨੂੰ 45 ਦੌੜਾਂ ਨਾਲ ਹਰਾਇਆ

ਜਾਰਜਟਾਊਨ, 16 ਜਨਵਰੀ – ਚਾਰ ਵਾਰ ਦੇ ਚੈਂਪੀਅਨ ਭਾਰਤ ਨੇ ਹਰ ਵਿਭਾਗ ਵਿਚ ਵਧੀਆ ਪ੍ਰਦਰਸ਼ਨ ਕਰਦੇ ਹੋਏ ਦੱਖਣੀ ਅਫਰੀਕਾ ਨੂੰ 45 ਦੌੜਾਂ ਨਾਲ ਹਰਾ ਕੇ ICC U-19 World Cup 2022 ਵਿਚ ਜਿੱਤ ਨਾਲ ਆਪਣੀ ਮੁਹਿੰਮ ਦੀ ਸ਼ੁਰੂਆਤ ਕੀਤੀ।ਟਾਸ ਜਿੱਤ ਕੇ ਦੱਖਣੀ ਅਫਰੀਕਾ ਨੇ ਭਾਰਤ ਨੂੰ ਪਹਿਲਾਂ ਬੱਲੇਬਾਜ਼ੀ ਦਾ ਸੱਦਾ ਦਿੱਤਾ ਤੇ ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਭਾਰਤ ਨੇ 46.5 ਓਵਰਾਂ ‘ਚ 232 ਦੌੜਾਂ ਬਣਾਈਆਂ।ਭਾਰਤ ਨੇ 11 ਦੌੜਾਂ ‘ਤੇ ਆਪਣੇ ਦੋਵੇਂ ਸਲਾਮੀ ਬੱਲੇਬਾਜ਼ਾਂ ਦੀ ਵਿਕਟਾਂ ਗੁਆ ਲਈਆਂ ਸੀ ਪਰ ਕਪਤਾਨ Yash Dhull ਨੇ ਕਪਤਾਨੀ ਪਾਰੀ ਖੇਡਦਿਆ ਸ਼ਾਨਦਾਰ 80 ਦੌੜਾਂ ਬਣਾਈਆਂ।233 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਦੱਖਣੀ ਅਫਰੀਕਾ ਦੀ ਪੂਰੀ ਟੀਮ ਟੀਮ 187 ਦੌੜਾਂ ਬਣਾ ਕੇ ਆਊਟ ਹੋ ਗਈ। ਭਾਰਤ ਵੱਲੋਂ ਸਪਿਨਰ ਵਿੱਕੀ ਓਸਤਵਾਲ ਨੇ ਸ਼ਾਨਦਾਰ ਗੇਂਦਬਾਜ਼ੀ ਕਰਦਿਆ 5 ਅਤੇ ਤੇਜ ਗੇਂਦਬਾਜ਼ ਰਾਜ ਬਾਵਾ ਨੇ 4 ਵਿਕਟਾਂ ਹਾਸਿਲ ਕੀਤੀਆਂ।