ਅੱਜ ਫਿਰ ਵਧੀਆਂ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ

ਨਵੀਂ ਦਿੱਲੀ, 27 ਮਾਰਚ – ਭਾਰਤ ‘ਚ 6 ਦਿਨਾਂ ਦੌਰਾਨ 5ਵੀਂ ਵਾਰ ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ਵਧੀਆਂ ਹਨ। ਪੈਟਰੋਲ ਅੱਜ 50 ਪੈਸੇ ਅਤੇ ਡੀਜ਼ਲ 55 ਪੈਸੇ ਪ੍ਰਤੀ ਲੀਟਰ ਮਹਿੰਗਾ ਹੋਇਆ ਹੈ। ਇਸ ਦੇ ਨਾਲ ਹੀ ਦਿੱਲੀ ‘ਚ ਪੈਟਰੋਲ 99.11 ਰੁਪਏ ਅਤੇ ਡੀਜ਼ਲ ਦੀ ਕੀਮਤ 90.42 ਰੁਪਏ ਹੋ ਗਿਆ ਹੈ ਜਦਕਿ ਮੁੰਬਈ ‘ਚ ਪੈਟਰੋਲ 113.88 ਰੁਪਏ ਅਤੇ ਡੀਜ਼ਲ 98.13 ਰੁਪਏ, ਚੇਨਈ ‘ਚ ਪੈਟਰੋਲ 104.90 ਰੁਪਏ ਅਤੇ ਡੀਜ਼ਲ 95.00 ਰੁਪਏ ਅਤੇ ਕੋਲਕਾਤਾ ‘ਚ ਪੈਟਰੋਲ 108.53 ਰੁਪਏ ਅਤੇ ਡੀਜ਼ਲ 93.57 ਰੁਪਏ ਪ੍ਰਤੀ ਲੀਟਰ ਹੋ ਗਿਆ ਹੈ। ਪਿਛਲੇ 6 ਦਿਨਾਂ ਦੌਰਾਨ ਪੈਟਰੋਲ 3.70 ਰੁਪਏ ਅਤੇ ਡੀਜ਼ਲ 3.75 ਰੁਪਏ ਪ੍ਰਤੀ ਲੀਟਰ ਮਹਿੰਗਾ ਹੋ ਚੁੱਕਾ ਹੈ।