ਛੱਤੀਸਗੜ੍ਹ : ਕਾਰ ਨੂੰ ਲੱਗੀ ਅੱਗ ਵਿਚ ਜ਼ਿੰਦਾ ਸੜੇ ਪਰਿਵਾਰ ਦੇ 5 ਲੋਕ

ਰਾਏਪੁਰ, 22 ਅਪ੍ਰੈਲ – ਛੱਤੀਸਗੜ੍ਹ ਦੇ ਰਾਜਨੰਦਗਾਂਵ ਜ਼ਿਲ੍ਹੇ ‘ਚ ਹੋਏ ਦਰਦਨਾਲ ਹਾਦਸੇ ‘ਚ ਇੱਕੋ ਪਰਿਵਾਰ ਦੇ 5 ਮੈਂਬਰਾਂ ਦੀ ਮੌਤ ਹੋ ਗਈ। ਇਹ ਹਾਦਸਾ ਉਸ ਸਮੇਂ ਹੋਇਆ ਜਦੋਂ ਵੀਰਵਾਰ-ਸ਼ੁੱਕਰਵਾਰ ਦੀ ਦਰਮਿਆਨੀ ਰਾਤ ਪਤੀ ਪਤਨੀ ਆਪਣੀਆਂ 3 ਬੇਟੀਆਂ ਨਾਲ ਵਿਆਹ ਸਮਾਗਮ ਤੋਂ ਵਾਪਿਸ ਆ ਰਹੇ ਸਨ ਕਿ ਰਾਜਨੰਦਗਾਂਵ ਖੇਰਾਗੜ੍ਹ ਰੋਡ ‘ਤੇ ਠੇਲਕਾਡੀਹ ਥਾਣੇ ਅਧੀਨ ਆਉਂਦੇ ਪਿੰਡ ਸਿੰਗਾਰਪੁਰ ਵਿਖੇ ਪੁਲੀ ਨਾਲ ਟਕਰਾਉਣ ਤੋਂ ਬਾਅਦ ਕਾਰ ਨੂੰ ਅੱਗ ਲੱਗ ਗਈ। ਛੱਤੀਸਗੜ੍ਹ ਦੇ ਮੁੱਖ ਮੰਤਰੀ ਭੁਪੇਸ਼ ਬਘੇਲ ਨੇ ਹਾਦਸੇ ਉੱਪਰ ਗਹਿਰੇ ਦੁੱਖ ਦਾ ਪ੍ਰਗਟਾਵਾ ਕੀਤਾ ਹੈ।