ਢਿੱਡ ਪੀੜ ਦੀ ਸ਼ਿਕਾਇਤ ਨੂੰ ਲੈ ਕੇ ਹਸਪਤਾਲ ਪਹੁੰਚਿਆ ਮਰੀਜ਼ ਤਾਂ ਡਾਕਟਰਾਂ ਨੇ ਢਿੱਡ ‘ਚੋਂ ਕੱਢੇ 187 ਸਿੱਕੇ

ਹਸਪਤਾਲ ਵਿੱਚ ਇੱਕ ਵਿਅਕਤੀ ਦੇ ਪੇਟ ਵਿੱਚੋਂ 187 ਸਿੱਕੇ ਕੱਢੇ ਗਏ ਹਨ। ਉਸ ਨੇ ਪੇਟ ਵਿੱਚ ਦਰਦ ਅਤੇ ਉਲਟੀਆਂ ਦੀ ਸ਼ਿਕਾਇਤ ਕੀਤੀ ਜਿਸ ਤੋਂ ਬਾਅਦ ਉਹ ਹਸਪਤਾਲ ਪਹੁੰਚਿਆ ਗਿਆ। ਡਾਕਟਰ ਨੇ ਵੱਖ-ਵੱਖ ਟੈਸਟ ਅਤੇ ਐਂਡੋਸਕੋਪੀ ਕੀਤੀ। ਜਿਸ ਤੋਂ ਪਤਾ ਲੱਗਾ ਕਿ ਉਕਤ ਵਿਅਕਤੀ ਦੇ ਪੇਟ ‘ਚ ਕਈ ਸਿੱਕੇ ਹਨ। ਇਸ ਕਾਰਵਾਈ ਤੋਂ ਬਾਅਦ ਇੱਕ, ਦੋ ਅਤੇ ਪੰਜ ਰੁਪਏ ਦੇ 187 ਵੱਖ-ਵੱਖ ਸਿੱਕੇ ਕੱਢੇ ਗਏ। ਜਿਸ ਦੀ ਕੁੱਲ ਕੀਮਤ 462 ਰੁਪਏ ਹੈ। ਡਾਕਟਰਾਂ ਮੁਤਾਬਕ ਵਿਅਕਤੀ ਨੂੰ ਸਿਜ਼ੋਫ੍ਰੇਨੀਆ ਨਾਂ ਦੀ ਬੀਮਾਰੀ ਹੈ। ਉਸ ਦੇ ਪੇਟ ਦੇ ਸਕੈਨ ਤੋਂ ਪਤਾ ਲੱਗਾ ਹੈ ਕਿ ਉਸ ਦੇ ਪੇਟ ਵਿਚ 1.2 ਕਿਲੋ ਦੇ ਸਿੱਕੇ ਹਨ। ਇਸ ਤੋਂ ਬਾਅਦ ਉਸ ਦਾ ਆਪਰੇਸ਼ਨ ਕੀਤਾ ਗਿਆ। ਡਾਕਟਰਾਂ ਨੇ ਦੱਸਿਆ ਕਿ ਵਿਅਕਤੀ ਸਿਜ਼ੋਫ੍ਰੇਨੀਆ ਤੋਂ ਪੀੜਤ ਹੈ ਅਤੇ ਉਸ ਨੂੰ ਸਿੱਕੇ ਨਿਗਲਣ ਦੀ ਆਦਤ ਹੈ। ਮਰੀਜ਼ ਨੇ ਕੁੱਲ 187 ਸਿੱਕੇ ਨਿਗਲ ਲਏ ਸਨ। ਇਸ ਵਿੱਚ ਪੰਜ ਰੁਪਏ ਦੇ 56 ਸਿੱਕੇ, ਦੋ ਰੁਪਏ ਦੇ 51 ਸਿੱਕੇ ਅਤੇ ਇੱਕ ਰੁਪਏ ਦੇ 80 ਸਿੱਕੇ ਸਨ। ਉਸ ਦਾ ਇਲਾਜ ਕਰਨ ਵਾਲੇ ਸਰਜਨ ਈਸ਼ਵਰ ਕੁਲਬਰਗੀ ਨੇ ਕਿਹਾ ਕਿ ਇਹ ਇਕ ਚੁਣੌਤੀਪੂਰਨ ਕੇਸ ਸੀ। ਅਪ੍ਰੇਸ਼ਨ ਬਿਲਕੁਲ ਵੀ ਆਸਾਨ ਨਹੀਂ ਸੀ। ਮਰੀਜ਼ ਦਾ ਪੇਟ ਗੁਬਾਰੇ ਵਰਗਾ ਹੋ ਗਿਆ ਸੀ। ਪੇਟ ਵਿੱਚ ਥਾਂ-ਥਾਂ ਸਿੱਕੇ ਸਨ। ਅਪ੍ਰੇਸ਼ਨ ਥੀਏਟਰ ਵਿੱਚ ਸਾਨੂੰ ਸੀਆਰ ਰਾਹੀਂ ਸਿੱਕੇ ਮਿਲੇ। ਉਨ੍ਹਾਂ ਦੱਸਿਆ ਕਿ ਸਫਲ ਅਪ੍ਰੇਸ਼ਨ ਮਗਰੋਂ ਮਰੀਜ਼ ਦੇ ਢਿੱਡ ਵਿਚੋਂ ਸਿੱਕੇ ਕੱਢ ਲਏ ਗਏ ਹਨ ।