ਭਾਰਤ-ਪਾਕਿਸਤਾਨ ਸਰਹੱਦ ਦੀ BOP ਬੁਰਜ ਤੋਂ ਇਕ ਹੈਂਡ ਗ੍ਰਨੇਡ ਤੇ 15 ਕਾਰਤੂਸ ਬਰਾਮਦ

ਭਾਰਤ-ਪਾਕਿਸਤਾਨ ਸਰਹੱਦ ‘ਤੇ ਪੈਂਦੀ ਚੌਂਕੀ ਬੁਰਜ ਨੇੜਿਓਂ ਬੀ.ਐਸ.ਐਫ. 183 ਬਟਾਲੀਅਨ ਨੂੰ ਖਸਤਾ ਹਾਲਤ ਵਿਚ 1 ਹੈਂਡ ਗ੍ਰਨੇਡ ਤੇ 15 ਕਾਰਤੂਸ ਬਰਾਮਦ ਹੋਏ ਹਨ। ਸੂਤਰਾਂ ਤੋਂ ਪ੍ਰਾਪਤ ਜਾਣਕਾਰੀ ਅਨੁਸਾਰ ਸ਼ਾਮ ਸਮੇਂ ਜਦੋਂ ਬੀ.ਐੱਸ.ਐਫ਼. ਦੇ ਜਵਾਨ ਸਫਾਈ ਕਰ ਰਹੇ ਸਨ ਤਾਂ ਅਚਾਨਕ ਉਨ੍ਹਾਂ ਨੂੰ 1 ਹੈਂਡ ਗ੍ਰਨੇਡ ਤੇ 15 ਕਾਰਤੂਸ ਬਰਾਮਦ ਹੋਏ। ਬੀ.ਐੱਸ.ਐਫ਼. ਨੇ ਗ੍ਰਨੇਡ ਤੇ ਕਾਰਤੂਸਾਂ ਨੂੰ ਥਾਣਾ ਭਿੰਡੀ ਸੈਦਾ ਦੀ ਪੁਲਿਸ ਹਵਾਲੇ ਕਰ ਦਿੱਤਾ ਹੈ। ਪੁਲਿਸ ਵੱਲੋਂ ਮੁਕੱਦਮਾ ਦਰਜ ਕਰ ਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।