ਫਗਵਾੜਾ ਵਿੱਚ ਵੀਕੈਂਡ ਕਰਫਿਊ ਦੌਰਾਨ ਨੌਜਵਾਨਾਂ ਵੱਲੋਂ ਦੁਕਾਨ ਦੀ ਭੰਨਤੋੜ

ਫਗਵਾੜਾ,30 ਮਈ (ਰਮਨਦੀਪ) –ਫਗਵਾੜਾ ਵਿਖੇ ਤਿੰਨ ਨੌਜ਼ਵਾਨਾਂ ਵੱਲੋਂ ਇੱਕ ਦੁਕਾਨ ਦੀ ਭੰਨ ਤੋੜ ਕਰਕੇ ਫਰਾਰ ਹੋਣ ਦੀ ਸੂਚਨਾਂ ਮਿਲੀ ਹੈ। ਇਸ ਸਬੰਧੀ ਲਾਈਟਾਂ ਵਾਲਾ ਚੌਂਕ ਫਗਵਾੜਾਂ ਵਿਖੇ ਸਥਿਤ ਲਾਜਵਾਬ ਚਿਕਨ ਕਾਰਨਰ ਦੀ ਦੁਕਾਨ ਤੇ ਕੰਮ ਕਰਨ ਵਾਲੇ ਲੜਕੇ ਸੰਦੀਪ ਕੁਮਾਰ ਨੇ ਦੱਸਿਆ ਕਿ ਉਹ ਜਦੋਂ ਦੁਕਾਨ ਤੇ ਗ੍ਰਾਹਕਾ ਦੇ ਆਡਰ ਤਿਆਰ ਕਰ ਰਹੇ ਸਨ ਤਾਂ ਤਿੰਨ ਅਨਪਛਾਤੇ ਵਿਅਕਤੀਆਂ ਨੇ ਦੁਕਾਨ ਤੇ ਆ ਕੇ ਦੁਕਾਨ ਦੀ ਭੰਨ ਤੋੜ ਕੀਤੀ ਅਤੇ ਉਨਾਂ ਨਾਲ ਮਾਰਕੱੁਟ ਕਰਦਿਆ ਜਾਨੋ ਮਾਰਨ ਦੀਆਂ ਧਮਕੀਆਂ ਦਿੱਤੀਆ ਤੇ ਫਰਾਰ ਹੋ ਗਏ। ਉਨਾਂ ਦੱਸਿਆ ਕਿ ਦੁਕਾਨ ਦਾ ਮਾਲਿਕ ਬਾਹਰ ਹੈ ਤੇ ਉਸ ਨੂੰ ਇਸ ਬਾਰੇ ਦੱਸ ਦਿੱਤਾ ਗਿਆ। ਉਨਾਂ ਕਿਹਾ ਕਿ ਉਹ ਹਮਲਾਵਰਾਂ ਨੂੰ ਜਾਣਦਾ ਨਹੀ ਪਰ ਸਾਹਮਣੇ ਆਉਣ ਤੇ ਪਹਿਚਾਣ ਸਕਦਾ ਹੈ।ਉਧਰ ਮੋਕੇ ਤੇ ਪਹੁੰਚੇ ਥਾਣਾ ਸਿਟੀ ਦੇ ਜਾਂਚ ਅਧਿਕਾਰੀ ਬਖਸ਼ੀਸ਼ ਸਿੰਘ ਨੇ ਦੱਸਿਆ ਕਿ ਦੁਕਾਨ ਦਾ ਮਾਲਕ ਬਾਹਰ ਹੈ ਤੇ ਉਸ ਦੇ ਆਉਣ ਤੇ ਹੀ ਬਿਆਨ ਲੈ ਕੇ ਕਾਰਵਾਈ ਕੀਤੀ ਜਾਵੇਗੀ। ਉਨਾਂ ਦੱਸਿਆ ਕਿ ਲੜਕੇ ਮੁਤਾਬਿਕ ਇਨਾਂ ਦਾ ਕੋਈ ਪ੍ਰੋਪਟੀ ਦਾ ਝਗੜਾ ਹੈ ਤੇ ਉਸ ਦੇ ਚੱਲਦਿਆ ਹੀ ਇਹ ਹਮਲਾ ਕੀਤਾ ਗਿਆ ਜਾਪਦਾ ਹੈ।