ਜਲੰਧਰ ‘ਚ ਨਸ਼ੇ ‘ਚ ਧੁੱਤ ਪਏ ਵਿਅਕਤੀ ‘ਤੇ ਚੜ੍ਹੀ ਕਾਰ, ਨਹੀਂ ਹੋਇਆ ਵਾਲ ਵੀ ਵਿੰਗਾ

ਜਲੰਧਰ ਘਾਹ ਮੰਡੀ ਨੇੜੇ ਸੜਕ ‘ਤੇ ਪਏ ਇਕ ਵਿਅਕਤੀ ‘ਤੇ ਕਾਰ ਚੜ੍ਹ ਗਈ। ਹਾਲਾਂਕਿ ਵਿਅਕਤੀ ਨੂੰ ਕੋਈ ਸੱਟ ਨਹੀਂ ਲੱਗੀ ਅਤੇ ਨਾ ਹੀ ਮਾਮਲੇ ਦੀ ਸੂਚਨਾ ਪੁਲਿਸ ਨੂੰ ਦਿਤੀ ਗਈ ਪਰ ਇਸ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਜਿਸ ਵਿਚ ਇਕ ਕਾਰ ਵਿਅਕਤੀ ਦੇ ਉੱਪਰ ਦੀ ਲੰਘ ਦੀ ਨਜ਼ਰ ਆ ਰਹੀ ਹੈ। ਵਿਅਕਤੀ ਨੂੰ ਹਸਪਤਾਲ ਵਿਚ ਦਾਖਲ ਵੀ ਨਹੀਂ ਕਰਵਾਇਆ ਗਿਆ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਉਕਤ ਵੀਡੀਓ ਵੀਰਵਾਰ ਦੁਪਹਿਰ ਦੀ ਦੱਸੀ ਜਾ ਰਹੀ ਹੈ। ਇਹ ਵੀਡੀਓ ਸਾਹਮਣੇ ਤੋਂ ਆ ਰਹੀ ਇੱਕ ਕਾਰ ਦੇ ਕੈਮਰੇ ਵਿੱਚ ਕੈਦ ਹੋ ਗਈ। ਆਸ-ਪਾਸ ਦੇ ਲੋਕਾਂ ਨੇ ਦਸਿਆ ਕਿ ਸੜਕ ‘ਤੇ ਡਿੱਗੇ ਵਿਅਕਤੀ ਨੇ ਦੁਪਹਿਰ ਵੇਲੇ ਸ਼ਰਾਬ ਪੀਤੀ ਹੋਈ ਸੀ। ਇਸ ਦੌਰਾਨ ਡਰਾਈਵਰ ਨੇ ਬਿਨਾਂ ਦੇਖੇ ਆਪਣੀ ਕਾਰ ਉਸ ਦੇ ਚੜ੍ਹਾ ਦਿਤੀ। ਹਾਲਾਂਕਿ ਜਦੋਂ ਪਿੱਛੇ ਆ ਰਹੇ ਡਰਾਈਵਰ ਨੇ ਉਕਤ ਵਿਅਕਤੀ ਨੂੰ ਸੜਕ ‘ਤੇ ਪਿਆ ਦੇਖਿਆ ਤਾਂ ਉਸ ਨੇ ਆਪਣੀ ਕਾਰ ਰੋਕ ਲਈ। ਜਿਸ ਤੋਂ ਬਾਅਦ ਲੋਕਾਂ ਨੇ ਉਸ ਨੂੰ ਸੜਕ ਤੋਂ ਚੁੱਕ ਕੇ ਸਾਈਡ ‘ਤੇ ਲੈ ਗਏ। ਉਧਰ ਭਾਰਗਵ ਕੈਂਪ ਥਾਣਾ ਪੁਲਿਸ ਨੇ ਕਿਹਾ ਹੈ ਕਿ ਉਨ੍ਹਾਂ ਨੂੰ ਇਸ ਸਬੰਧੀ ਕੋਈ ਸ਼ਿਕਾਇਤ ਨਹੀਂ ਮਿਲੀ ਹੈ। ਵੀਡੀਓ ਉਨ੍ਹਾਂ ਕੋਲ ਆ ਗਈ ਹੈ, ਜਿਸ ਦੇ ਆਧਾਰ ‘ਤੇ ਜਾਂਚ ਕੀਤੀ ਜਾਵੇਗੀ। ਜੇਕਰ ਕੋਈ ਬਿਆਨ ਦਰਜ ਕਰਵਾਏਗਾ ਤਾਂ ਕੇਸ ਦਰਜ ਕੀਤਾ ਜਾਵੇਗਾ।