ਕੰਟੋਨਮੈਂਟ ਬੋਰਡ ਵਿਖੇ ਡਿਊਟੀ ‘ਤੇ ਜਾ ਰਹੇ ਨੌਜਵਾਨ ਦੇ ਸਿਰ ’ਚ ਮਾਰਿਆ ਕਾਪਾ, ਗੰਭੀਰ ਜ਼ਖ਼ਮੀ

ਫਿਰੋਜ਼ਪਰ ਵਿਖੇ ਪੁਰਾਣੀ ਰੰਜ਼ਿਸ਼ ਦੇ ਚੱਲਦਿਆਂ ਇਕ ਨੌਜਵਾਨ ਨੂੰ ਕਾਪਾ ਮਾਰ ਕੇ ਗੰਭੀਰ ਜ਼ਖ਼ਮੀ ਕਰਨ ਦੀ ਖਬਰ ਮਿਲੀ ਹੈ। ਜ਼ਖ਼ਮੀ ਨੌਜਵਾਨ ਦੀ ਪਛਾਣ ਰਾਹੁਲ ਪੁੱਤਰ ਮਹਿੰਦਰ ਵਾਸੀ ਗੋਬਿੰਦ ਨਗਰੀ ਵਜੋਂ ਹੋਈ ਹੈ। ਜਾਣਕਾਰੀ ਅਨੁਸਾਰ ਰਾਹੁਲ ਪੁੱਤਰ ਮਹਿੰਦਰ ਵਾਸੀ ਗੋਬਿੰਦ ਨਗਰੀ ਕੰਟੋਨਮੈਂਟ ਬੋਰਡ ‘ਚ ਲੱਗਿਆ ਹੋਇਆ ਸੀ ਤੇ ਆਪਣੀ ਡਿਊਟੀ ‘ਤੇ ਜਾ ਰਿਹਾ ਸੀ। ਪੁਰਾਣੀ ਰੰਜ਼ਿਸ਼ ਦੇ ਚੱਲਦਿਆਂ ਸ਼ਿੰਦਾ ਪੁੰਤਰ ਰਾਜੂ ਨੇ ਪਿੱਛੋਂ ਆ ਕੇ ਸਿਰ ‘ਤੇ ਕਾਪਾ ਮਾਰਿਆ ਜਿਸ ਨਾਲ ਰਾਹੁਲ ਗੰਭੀਰ ਜ਼ਖ਼ਮੀ ਹੋ ਗਿਆ। ਜ਼ਖ਼ਮੀ ਨੌਜਵਾਨ ਨੂੰ ਬਾਗੀ ਹਸਪਤਾਲ ਫਿਰੋਜ਼ਪੁਰ ਇਲਾਜ ਲਈ ਦਾਖਲ ਕਰਵਾਇਆ ਗਿਆ ਹੈ।