ਫਗਵਾੜਾ ‘ਚ ਇੱਕੋ ਰਾਤ ਇੱਕੋ ਸਮੇਂ ਤੇ ਇੱਕੋ ਥਾਂ ਤੋਂ ਚੋਰਾਂ ਨੇ ਉਡਾਈਆਂ 2 ਗੱਡੀਆਂ, ਪੁਲਿਸ ਦੀ ਵਧੀ ਚਿੰਤਾਂ

(ਰਮਨ) ਫਗਵਾੜਾ ਵਿਖੇ ਤੜਕਸਾਰ ਹੀ ਚੋਰ ਇੱਕ ਹੋਰ ਵੱਡੀ ਵਾਰਦਾਤ ਨੂੰ ਅੰਜਾਮ ਦਿੰਦਿਆ ਦਾਣਾ ਮੰਡੀ ਹੁਸ਼ਿਆਰਪੁਰ ਰੋਡ ਤੋ 2 ਗੱਡੀਆਂ ਚੋਰੀ ਕਰਕੇ ਫਰਾਰ ਹੋ ਗਏ। ਜਦ ਕਿ ਆਪਣੀ ਸੈਂਟਰੋਂ ਗੱਡੀ ਉਥੇ ਹੀ ਛੱਡ ਗਏ। ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਪੀੜਤ ਸ਼ਸ਼ੀ ਕਾਂਤ ਨੇ ਦੱਸਿਆ ਕਿ ਉਹ ਰਾਤ ਸਮੇਂ ਆਪਣੀ ਮਹਿੰਦਰਾ ਪਿਕਅਪ ਗੱਡੀ ਖਾਲੀ ਕਰਕੇ ਮੰਡੀ ਵਿੱਚ ਸਥਿਤ ਆਪਣੀ ਦੁਕਾਨ ਦੇ ਬਾਹਰ ਖੜੀ ਕਰਕੇ ਗਿਆ ਸੀ ਤੇ ਜਦੋਂ ਸਵੇਰੇ 5 ਵਜੇ ਆ ਕੇ ਦੇਖਿਆ ਤਾਂ ਉਨਾਂ ਦੀ ਗੱਡੀ ਨੰਬਰ ਪੀ.ਬੀ 08 ਐਕਸ 2883 ਉਥੇ ਮਜੋੂਦ ਨਹੀ ਸੀ। ਉਸ ਨੇ ਦੱਸਿਆ ਕਿ ਜਦੋਂ ਉਨਾਂ ਨੇ ਸੀ.ਸੀ.ਟੀ.ਵੀ ਚੈੱਕ ਕੀਤੇ ਤਾਂ ਪਤਾ ਲੱਗਾ ਕਿ ਰਾਤ ਸਮੇਂ ਸੈਂਟਰੋ ਕਾਰ ਵਿੱਚ 4 ਵਿਅਕਤੀ ਆਏ ਸਨ ਜੋ ਕਿ ਆਪਣੀ ਸੈਂਟਰੋ ਕਾਰ ਖੜੀ ਕਰਕੇ ਉਸ ਦੀ ਗੱਡੀ ਦੇ ਨਾਲ ਨਾਲ ਇੱਕ ਹੋਰ ਮਹਿੰਦਰਾ ਪਿਕਅਪ ਗੱਡੀ ਲੈ ਕੇ ਫਰਾਰ ਹੋ ਗਏ। ਉਨਾਂ ਕਿਹਾ ਕਿ ਇਸ ਸਬੰਧੀ ਉਨਾ ਫਗਵਾੜਾ ਪੁਲਿਸ ਨੂੰ ਸੂਚਿਤ ਕਰ ਦਿੱਤਾ ਹੈ। ਉਨਾਂ ਮੰਗ ਕੀਤੀ ਕਿ ਇਹ ਜੋ ਗੈਂਗ ਹੈ ਇਸ ਨੂੰ ਜਲਦ ਤੋਂ ਜਲਦ ਤੋ ਕਾਬੂ ਕੀਤਾ ਜਾਵੇ ਤਾ ਜੋ ਉਨਾਂ ਦੇ ਹੋਏ ਨੁਕਸਾਨ ਦੀ ਭਰਪਾਈ ਹੋ ਸਕੇ। ਉਧਰ ਇਸ ਵਾਰਦਾਤ ਦੀ ਸੂਚਨਾ ਮਿਲਦੇ ਸਾਰ ਹੀ ਪੁਲਿਸ ਨੇ ਮੋਕੇ ਤੇ ਪਹੁੰਚ ਕੇ ਸਥਿਤੀ ਦਾ ਜਾਇਜਾ ਲਿਆ ਤੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ। ਇਸ ਮੋਕੇ ਜਾਂਚ ਅਧਿਕਾਰੀ ਨੇ ਦੱਸਿਆ ਕਿ ਪੁਲਿਸ ਵੱਲੋ ਪੀੜਤ ਵਿਅਕਤੀਆਂ ਦੇ ਬਿਆਨਾਂ ਦੇ ਅਧਾਰ ਤੇ ਮਾਮਲਾ ਦਰਜ ਕਰ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ।