ਹਨੇਰੀ ਤੂਫਾਨ ਨੇ ਪਿੰਡਾਂ ‘ਚ ਮਚਾਈ ਖੂਬ ਤਬਾਹੀ

ਪਾਂਸ਼ਟਾ, 12 ਜੂਨ (ਰਜਿੰਦਰ) – ਬੀਤੀ ਦੇਰ ਰਾਤ ਬਰਸਾਤ ਦੇ ਨਾਲ ਨਾਲ ਆਏ ਹਨੇਰੀ ਤੂਫਾਨ ਨੇ ਪੇਂਡੂ ਇਲਾਕਿਆ ਵਿਚ ਕਾਫੀ ਤਬਾਹੀ ਮਚਾਈ ਹੈ।ਪਾਂਸ਼ਟਾ ਤੋਂ ਫਗਵਾੜਾ ਨੂੰ ਆਉਣ ਵਾਲੇ ਰੋਡ ‘ਤੇ ਦਰੱਖਤ ਡਿੱਗਣ ਕਾਰਨ ਜਿੱਥੇ ਵਾਹਨ ਚਾਲਕਾਂ ਨੂੰ ਭਾਰੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ ਉੱਥੇ ਹੀ ਨਰੂੜ ਵਿਖੇ ਕੁੱਝ ਘਰਾਂ ਵਿਚ ਸ਼ੈੱਡਾਂ ਉੱਪਰ ਪਾਈਆਂ ਟੀਨਾਂ ਉੱਡ ਕੇ ਦਰੱਖਤਾਂ ਉੱਪਰ ਜਾ ਕੇ ਟੰਗ ਹੋ ਗਈਆਂ।ਨਸੀਰਾਬਾਦ ਵਿਖੇ ਕਿਸਾਨਾਂ ਦੀਆਂ ਫਸਲਾਂ ਅਤੇ ਮਿਰਚਾਂ ਨੂੰ ਵੀ ਇਸ ਤੂਫਾਨ ਨੇ ਭਾਰੀ ਨੁਕਸਾਨ ਪਹੁੰਚਾਇਆ ਹੈ।ਤੇਜ ਹਨੇਰੀ ਅਤੇ ਤੂਫਾਨ ਕਾਰਨ ਬਿਜਲੀ ਦੇ ਕਈ ਖੰਭੇ ਅਤੇ ਟਰਾਂਸਫਾਰਮਰ ਟੁੱਟ ਕੇ ਥੱਲੇ ਡਿੱਗ ਪਏ ਜਿਸ ਕਾਰਨ ਬਿਜਲੀ ਦੀ ਸਪਲਾਈ ਬੰਦ ਰਹੀ ਤੇ ਖਬਰ ਲਿਖੇ ਜਾਣ ਤੱਕ ਲਾਈਟ ਨਹੀਂ ਆਈ ਸੀ।