ਟਰੱਕ ਦਾ ਟਾਇਰ ਫਟਣ ਨਾਲ ਟਰੱਕ ਟਰਾਂਸਫਾਰਮ ’ਤੇ ਡਿੱਗਿਆ

ਸਥਾਨਕ ਸ਼ਹਿਰ ਭਵਾਨੀਗੜ੍ਹ ਦੇਰ ਰਾਤ ਤਕਰੀਬਨ 2 ਵਜੇ ਨੇੜੇ ਨੀਲ ਕੰਠ ਕਲੋਨੀ ਵਿਖੇ ਭਿਆਨਕ ਸੜਕ ਹਾਦਸਾ ਵਾਪਰਿਆ। ਅਚਾਨਕ ਟਾਇਰ ਫਟਣ ਨਾਲ ਟਰੱਕ ਟਰਾਂਸਫਾਰਮ ’ਤੇ ਆ ਡਿਗਿਆ । ਟਰੱਕ ਦੇ ਮਾਲਕ ਨੇ ਦੱਸਿਆ ਕਿ ਇਹ ਟਰੱਕ ਗੁਜਰਾਤ ਦੇ ਕਾਂਡਲਾਪੁਰ ਤੋਂ ਆ ਰਿਹਾ ਸੀ ਇਸ ਟਰੱਕ ’ਚ ਕੋਇਲਾ ਭਰਿਆ ਹੋਇਆ ਸੀ। ਇਸ ਮੌਕੇ ਡਰਾਈਵਰ ਨੇ ਹਿੰਮਤ ਦਿਖਾ ਆਪਣੀ ਜਾਨ ਬਚਾਈ ਅਤੇ ਹੋਰਨਾਂ ਨੁਕਸਾਨਾਂ ਤੋਂ ਵੀ ਬਚਾਅ ਕੀਤਾ। ਇਸ ਮੌਕੇ ਗੱਲਬਾਤ ਕਰਦਿਆਂ ਉਹਨਾਂ ਨੇ ਦੱਸਿਆ ਕਿ ਗੱਡੀ ਦਾ ਭਾਰੀ ਨੁਕਸਾਨ ਹੋਇਆ ਹੈ ਟਰੱਕ ਦੇ ਮਾਲਕ ਨੇ ਦੱਸਿਆ ਕਿ ਇਹ ਗੱਡੀ ਲਿਆਏ ਨੂੰ ਸਿਰਫ ਪੰਜ ਕੁ ਮਹੀਨੇ ਹੀ ਹੋਏ ਸੀ। ਇਹ ਕੋਇਲਾ ਕਾਂਡਲਾਪੁਰ ਤੋਂ ਗੋਬਿੰਦਗੜ੍ਹ ਮੰਡੀ ਜਾ ਰਿਹਾ ਸੀ। ਪੁਲਿਸ ਵੱਲੋਂ ਕਾਰਵਾਈ ਆਰੰਭ ਦਿੱਤੀ ਗਈ ਹੈ।