ਫਗਵਾੜਾ – ‘ਆਪ’ ਦੀ ਸਿਆਸੀ ਤਕਾਤ ‘ਚ ਇਜਾਫਾ, 70 ਦੇ ਕਰੀਬ ਪਰਿਵਾਰਾਂ ਨੇ ਹੋਰ ਪਾਰਟੀਆਂ ਛੱਡ ਫੜਿਆ ‘ਆਪ’ ਦਾ ਪੱਲਾ

ਫਗਵਾੜਾ, 22 ਜੁਲਾਈ (ਐੱਚ.ਐੱਸ.ਰਾਣਾ) ਆਮ ਆਦਮੀ ਪਾਰਟੀ ਫਗਵਾੜਾ ਦੀ ਸਿਆਸੀ ਤਾਕਤ ‘ਚ ਉਸ ਸਮੇਂ ਜ਼ਬਰਦਸਤ ਇਜਾਫਾ ਹੋਇਆ ਜਦੋਂ ਹਲਕਾ ਫਗਵਾੜਾ ਦੇ ਪਿੰਡ ਭਬਿਆਣਾ ਦੇ 70 ਦੇ ਕਰੀਬ ਪਰਿਵਾਰ ਰਵਾਇਤੀ ਪਾਰਟੀਆਂ ਨੂੰ ਅਲਵਿਦਾ ਕਹਿ ਕੇ ਆਮ ਆਦਮੀ ਪਾਰਟੀ ਐੱਸ.ਸੀ ਵਿੰਗ ਦੇ ਜ਼ਿਲ੍ਹਾ ਪ੍ਰਧਾਨ ਸੰਤੋਸ਼ ਕੁਮਾਰ ਗੋਗੀ ਦੀ ਰਹਿਨੁਮਾਈ ਹੇਠ ਆਮ ਆਦਮੀ ਪਾਰਟੀ ਵਿਚ ਸ਼ਾਮਿਲ ਹੋ ਗਏ।ਇਸ ਮੌਕੇ ਸੰਤੋਸ਼ ਕੁਮਰ ਗੋਗੀ ਨੇ ਨਵੇਂ ਸ਼ਾਮਿਲ ਹੋਏ ਮੈਂਬਰਾਂ ਦਾ ਪਾਰਟੀ ਵਿਚ ਸ਼ਾਮਿਲ ਹੋਣ ‘ਤੇ ਭਰਵਾਂ ਸਵਾਗਤ ਕਰਦਿਆ ਕਿਹਾ ਕਿ ਲੋਕ ਹੁਣ ਦਿੱਲੀ ਵਾਂਗ ਬਿਜਲੀ,ਪਾਣੀ,ਸਕੂਲ, ਹਸਪਤਾਲ ਵਰਗੀਆਂ ਸਹੂਲਤਾਂ ਪੰਜਾਬ ਵਿੱਚ ਵੀ ਚਾਹੁੰਦੇ ਹਨ। ਕੇਜਰੀਵਾਲ ਵਲੋਂ ਹਰ ਵਰਗ ਨੂੰ ਪੰਜਾਬ ਵਿੱਚ 300 ਯੁਨਿਟ ਦੀ ਦਿੱਤੀ ਗਾਰੰਟੀ ਦਾ ਲੋਕਾਂ ਵਿੱਚ ਬਹੁਤ ਉਤਸ਼ਾਹ ਹੈ। ਲੋਕ ਹੁਣ ਇਹਨਾਂ ਰਵਾਇਤੀ ਪਾਰਟੀਆਂ ਦੇ ਝੂਠੇ ਵਾਅਦਿਆਂ ‘ਤੇ ਯਕੀਨ ਨਹੀਂ ਕਰਨਗੇ।