ਕਾਰ ਸਵਾਰ ਨੌਜਵਾਨਾਂ ਵੱਲੋਂ ਸੈਰ ਕਰਕੇ ਆ ਰਹੇ ਨੌਜਵਾਨ ਉੱਪਰ ਹਮਲਾ

ਫਿਲੌਰ, 24 ਜੁਲਾਈ (ਪ੍ਰਦੀਪ ਰਾਜਾ) – ਕਿਲਾ ਰੋਡ ਫਿਲੌਰ ‘ਤੇ ਵਿਸ਼ਵਕਰਮਾ ਮੰਦਿਰ ਨਜ਼ਦੀਕ ਕਾਰ ਸਵਾਰ 4 ਨੌਜਵਾਨਾਂ ਨੇ ਕਾਰ ‘ਚੋਂ ਉਤਰਦੇ ਸਾਰ ਹੀ ਸੈਰ ਕਰਕੇ ਵਾਪਿਸ ਆ ਰਹੇ ਨੌਜਵਾਨ ਉੱਪਰ ਜਾਨਲੇਵਾ ਹਮਲਾ ਕਰ ਦਿੱਤਾ। ਇਸ ਘਟਨਾ ਨੂੰ ਦੇਖ ਮੁਹੱਲਾ ਵਾਸੀ ਇਕੱਠੇ ਹੋ ਗਏ ਜਿਨ੍ਹਾਂ ਨੇ ਹਮਲਾਵਰਾਂ ਤੋਂ ਨੌਜਵਾਨ ਨੂੰ ਬਚਾਇਆ ਤੇ ਇਕ ਹਮਲਾਵਰ ਨੂੰ ਕਾਬੂ ਕਰ ਲਿਆ। ਓਧਰ ਏ.ਐੱਸ.ਆਈ ਥਾਣਾ ਫਿਲੌਰ ਚਰਨਜੀਤ ਨੇ ਦੱਸਿਆ ਕਿ ਇਹ ਹਮਲਾ ਪੁਰਾਣੀ ਰੰਜਸ਼ ਦੇ ਚੱਲਦਿਆ ਹੋਇਆ ਹੈ ਤੇ ਪੁਲਿਸ ਵੱਲੋਂ ਬਣਦੀ ਕਾਰਵਾਈ ਕੀਤੀ ਜਾ ਰਹੀ ਹੈ।