ਕੋਟ ਫਤੂਹੀ ਨੇੜੇ ਸੜਕ ਕਿਨਾਰਿਓ ਮਿਲੀ 30 ਸਾਲਾਂ ਨੌਜਵਾਨ ਦੀ ਲਾਸ਼

ਕੋਟ ਫਤੂਹੀ, 29 ਜੁਲਾਈ – ਪੂਰੇ ਇਲਾਕੇ ਵਿਚ ਉਸ ਸਮੇਂ ਦਹਿਸ਼ਤ ਫੈਲ ਗਈ ਜਦੋਂ ਕੋਟ ਫਤੂਹੀ ਨੇੜਲੇ ਪਿੰਡ ਐਮਾਂ ਜੱਟਾਂ ਵਿਖੇ ਬਿਸਤ ਦੁਆਬ ਨਹਿਰ ਦੇ ਨਾਲ ਲੱਗਦੀ ਸੜਕ ਕਿਨਾਰਿਓ ਸ਼ੱਕੀ ਹਾਲਾਤਾਂ ਵਿਚ ਇੱਕ 30 ਸਾਲਾਂ ਨੌਜਵਾਨ ਦੀ ਲਾਸ਼ ਬਰਾਮਦ ਹੋਈ। ਮ੍ਰਿਤਕ ਦੀ ਪਹਿਚਾਣ ਜਸਪਾਲ ਸਿੰਘ ਵਾਸੀ ਮਜਾਰਾਂ ਡੀਂਗਰੀਆਂ ਵਜੋਂ ਹੋਈ ਹੈ, ਜਿਸ ਦੇ ਸਰੀਰ ਉੱਪਰ ਨਿਸ਼ਾਨ ਪਏ ਹੋਏ ਹਨ ਤੇ ਸੰਭਾਵਨਾ ਜਤਾਈ ਜਾ ਰਹੀ ਹੈ ਕਿ ਮ੍ਰਿਤਕ ਦਾ ਕਤਲ ਕਰਕੇ ਲਾਸ਼ ਨੂੰ ਸੜਕ ਕਿਨਾਰੇ ਸੁੱਟਿਆ ਗਿਆ ਹੈ। ਬਹਿਰਹਾਲ ਮੌਕੇ ‘ਤੇ ਪਹੁੰਚੀ ਪੁਲਿਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ।