ਲਗਾਤਾਰ ਤੀਸਰੇ ਦਿਨ ਘਟੀਆਂ ਡੀਜ਼ਲ ਦੀਆਂ ਕੀਮਤਾਂ, ਪੈਟਰੋਲ ਸਥਿਰ

ਨਵੀਂ ਦਿੱਲੀ, 20 ਅਗਸਤ – ਤੇਲ ਕੰਪਨੀਆਂ ਨੇ ਲਗਾਤਾਰ ਤੀਸਰੇ ਦਿਨ ਡੀਜ਼ਲ ਦੀਆਂ ਕੀਮਤਾਂ 20 ਪੈਸੇ ਘਟਾਈਆਂ ਹਨ ਜਦਕਿ ਪੈਟਰੋਲ ਦੀਆਂ ਕੀਮਤਾਂ ਸਥਿਰ ਹਨ। ਪਿਛਲੇ ਤਿੰਨ ਦਿਨਾਂ ‘ਚ ਡੀਜ਼ਲ ਹਰ ਰੋਜ਼ 20 ਪੈਸੇ ਸਸਤਾ ਹੋਇਆ ਹੈ ਜਿਸ ਦੇ ਚੱਲਦਿਆਂ ਡੀਜ਼ਲ ਤਿੰਨ ਦਿਨਾਂ ‘ਚ 60 ਪੈਸੇ ਸਸਤਾ ਹੋਇਆ ਹੈ।ਇਸ ਦੇ ਨਾਲ ਹੀ ਦਿੱਲੀ ‘ਚ ਡੀਜ਼ਲ 89.27 ਰੁਪਏ ਪ੍ਰਤੀ ਲੀਟਰ, ਪੈਟਰੋਲ 101.84 ਰੁਪਏ, ਮੁੰਬਈ ‘ਚ ਡੀਜ਼ਲ 96.84 ਰੁਪਏ, ਪੈਟਰੋਲ 107.83 ਰੁਪਏ ਅਤੇ ਚੰਡੀਗੜ੍ਹ ‘ਚ ਡੀਜ਼ਲ 88.93 ਰੁਪਏ ਅਤੇ ਪੈਟਰੋਲ 97.93 ਰੁਪਏ ਪ੍ਰਤੀ ਲੀਟਰ ਵਿਕ ਰਿਹਾ ਹੈ।