ਟੋਕੀਓ ਪੈਰਾਉਲੰਪਿਕ ‘ਚ ਭਾਰਤ ਦੀ ਭਾਵਿਨਾਬੇਨ ਪਟੇਲ ਨੇ ਜਿੱਤਿਆ ਸਿਲਵਰ ਮੈਡਲ

ਟੋਕੀਓ, 29 ਅਗਸਤ – ਟੋਕੀਓ ਪੈਰਾਉਲੰਪਿਕ ‘ਚ ਭਾਰਤ ਦੀ ਭਾਵਿਨਾਬੇਨ ਪਟੇਲ ਨੇ ਇਤਿਹਾਸ ਰਚਦੇ ਹੋਏ ਟੇਬਲ ਟੈਨਿਸ ‘ਚ ਸਿਲਵਰ ਮੈਡਲ ਜਿੱਤਿਆ ਹੈ। ਸੈਮੀਫਾਈਨਲ ਵਿਚ ਚੀਨ ਦੀ ਵਿਸ਼ਵ ਦੀ ਨੰ. 3 ਖਿਡਾਰਨ ਮਿਆਓ ਝਾਂਗ ਨੂੰ ਹਰਾ ਕੇ ਭਾਵਿਨਾਬੇਨ ਨੇ ਫਾਈਨਲ ਵਿਚ ਜਗ੍ਹਾ ਬਣਾਈ ਸੀ ਤੇ ਫਾਈਨਲ ਵਿਚ ਉਸ ਨੂੰ ਚੀਨ ਦੀ ਹੀ ਦੁਨੀਆ ਦੀ ਨੰ. ਇੱਕ ਖਿਡਾਰਨ ਝੋਊ ਯਿੰਗ ਤੋਂ 3-0 ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ। ਟੋਕੀਓ ਪੈਰਾਉਲੰਪਿਕ ‘ਚ ਇਹ ਉਸ ਦਾ ਪਹਿਲਾ ਮੈਡਲ ਹੈ।ਭਾਵਿਨਾਬੇਨ ਭਾਰਤ ਦੀ ਸਿਰਫ ਦੂਸਰੀ ਮਹਿਲਾ ਹੈ ਜਿਸ ਨੇ ਪੈਰਾ ਉਲੰਪਿਕ ‘ਚ ਭਾਰਤ ਲਈ ਮੈਡਲ ਜਿੱਤਿਆ ਹੈ।ਉਸ ਦੀ ਇਸ ਸ਼ਾਨਦਾਰ ਉਪਲਬਧੀ ‘ਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸਮੇਤ ਹੋਰ ਹਸਤੀਆਂ ਨੇ ਭਾਵਿਨਾ ਨੂੰ ਮੁਬਾਰਕਬਾਦ ਦਿੱਤੀ ਹੈ।