ਤਾਲਿਬਾਨ ਨੇ ਫਿਰ ਟਾਲਿਆ ਅਫਗਾਨਿਸਤਾਨ ‘ਚ ਸਰਕਾਰ ਦਾ ਗਠਨ

ਕਾਬੁਲ, 4 ਸਤੰਬਰ – ਤਾਲਿਬਾਨ ਨੇ ਅਫਗਾਨਿਸਤਾਨ ‘ਚ ਸਰਕਾਰ ਦਾ ਗਠਨ ਇੱਕ ਵਾਰ ਫਿਰ ਟਾਲ ਦਿੱਤਾ ਹੈ। ਇਸ ਨੂੰ ਲੈ ਕੇ ਤਾਲਿਬਾਨ ਦਾ ਅਧਿਕਾਰਿਤ ਬਿਆਨ ਸਾਹਮਣੇ ਆਇਆ ਹੈ, ਜਿਸ ਵਿਚ ਕਿਹਾ ਗਿਆ ਹੈ ਕਿ ਸਰਕਾਰ ਦਾ ਗਠਨ ਹੁਣ 2-3 ਦਿਨ ਬਾਅਦ ਹੋਵੇਗਾ। ਇਹ ਬਿਆਨ ਉਸ ਸਮੇਂ ਆਇਆ ਹੈ ਜਦੋਂ ਤਾਲਿਬਾਨ ਵੱਲੋਂ ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਉਸ ਨੇ ਪੰਜਸ਼ੀਰ ‘ਤੇ ਵੀ ਕਬਜ਼ਾ ਕਰ ਲਿਆ ਹੈ ਤੇ ਇਸ ਤਰਾਂ ਉਸ ਦੇ ਕਬਜ਼ੇ ਵਿਚ ਪੂਰਾ ਅਫਗਾਨਿਸਤਾਨ ਹੋ ਗਿਆ ਹੈ। ਇਸ ਤੋਂ ਪਹਿਲਾਂ 3 ਸਤੰਬਰ ਨੂੰ ਸਰਕਾਰ ਦੇ ਗਠਨ ਦਾ ਐਲਾਨ ਕੀਤਾ ਗਿਆ ਸੀ। ਅਜਿਹੇ ਵਿਚ ਸਵਾਲ ਉੱਠ ਰਹੇ ਹਨ ਕਿ ਤਾਲਿਬਾਨ ਵੱਲੋਂ ਵਾਰ ਵਾਰ ਸਰਕਾਰ ਗਠਨ ਦਾ ਐਲਾਨ ਕਿਉ ਟਾਲਿਆ ਜਾ ਰਿਹਾ ਹੈ।