ਫਗਵਾੜਾ – ਸੜਕ ਹਾਦਸੇ ‘ਚ ਨੌਜਵਾਨ ਦੀ ਮੌਤ

ਫਗਵਾੜਾ, 25 ਸਤੰਬਰ (ਰਮਨਦੀਪ) ਬੀਤੀ ਦੇਰ ਰਾਤ ਫਗਵਾੜਾ ਦੇ ਖਲਵਾੜਾ ਬਾਈਪਾਸ ‘ਤੇ ਹੋਏ ਸੜਕ ਹਾਦਸੇ ਵਿਚ ਇੱਕ ਨੌਜਵਾਨ ਦੀ ਮੌਤ ਹੋ ਗਈ, ਜਿਸ ਦੀ ਪਹਿਚਾਣ ਗੁਰਪ੍ਰੀਤ ਸਿੰਘ ਪੁੱਤਰ ਸੁਰਿੰਦਰ ਸਿੰਘ ਵਾਸੀ ਪੰਡੋਰੀ ਵਜੋ ਹੋਈ ਹੈ। ਪਿੰਡ ਦੇ ਸਰਪੰਚ ਅੰਮ੍ਰਿਤਪਾਲ ਸਿੰਘ ਨੇ ਦੱਸਿਆ ਕਿ ਗੁਰਪ੍ਰੀਤ ਸਿੰਘ ਬੈਸਟ ਪ੍ਰਾਈਜ਼ ਕੰਮ ਕਰਦਾ ਸੀ ਜੋ ਕਿ ਰੋਜ਼ਾਨਾ ਦੇਰ ਰਾਤ ਕੰਮ ਤੋਂ ਘਰ ਵਾਪਿਸ ਆਉਂਦਾ ਸੀ। ਬੀਤੀ ਰਾਤ ਵੀ ਉਹ ਕੰਮ ਤੋਂ ਵਾਪਿਸ ਆ ਰਿਹਾ ਸੀ ਕਿ ਬਾਈਪਾਸ ਤੋਂ ਪਿੰਡ ਦੇ ਮੋੜ ਨੇੜੇ ਉਸ ਦਾ ਹਾਦਸਾ ਹੋ ਗਿਆ।ਓਧਰ ਥਾਣਾ ਸਦਰ ਫਗਵਾੜਾ ਦੇ ਅਧਿਕਾਰੀ ਨੇ ਦੱਸਿਆ ਕਿ ਹਾਦਸਾ ਦੇਖ ਕੇ ਜਾਪ ਰਿਹਾ ਹੈ ਕਿ ਮ੍ਰਿਤਕ ਨੌਜਵਾਨ ਖਲਵਾੜਾ ਬਾਈਪਾਸ ‘ਤੇ ਪਿੰਡ ਦੇ ਮੋੜ ਨੇੜੇ ਮੋਟਰਸਾਈਕਲ ‘ਤੇ ਸੰਤੁਲਨ ਨਹੀ ਰੱਖ ਸਕਿਆ ਤੇ ਮੋਟਰਸਾਈਕਲ ਸਲਿੱਪ ਹੋਣ ਕਾਰਨ ਹਾਦਸੇ ਦਾ ਸ਼ਿਕਾਰ ਹੋ ਗਿਆ। ਪੁਲਿਸ ਵੱਲੋਂ ਸੜਕ ਹਾਦਸੇ ਦਾ ਮਾਮਲੇ ਦਰਜ ਕਰਕੇ ਬਣਦੀ ਕਾਰਵਾਈ ਕੀਤੀ ਜਾ ਰਹੀ ਹੈ।