ਅੱਜ ਫਿਰ ਮਹਿੰਗੇ ਹੋਏ ਪੈਟਰੋਲ ਡੀਜ਼ਲ

ਨਵੀਂ ਦਿੱਲੀ, 15 ਅਕਤੂਬਰ – ਤੇਲ ਕੰਪਨੀਆਂ ਨੇ ਅੱਜ ਲਗਾਤਾਰ ਦੂਸਰੇ ਦਿਨ ਪੈਟਰੋਲ ਅਤੇ ਡੀਜ਼ਲ ਦੀਆਂ ਕੀਮਤਾਂ ਵਧਾਈਆਂ ਹਨ।ਦਿੱਲੀ ‘ਚ ਪੈਟਰੋਲ ਅੱਜ 35 ਪੈਸੇ ਅਤੇ ਡੀਜ਼ਲ 34 ਪੈਸੇ ਪ੍ਰਤੀ ਲੀਟਰ ਮਹਿੰਗਾ ਹੋ ਗਿਆ ਹੈ।ਇਸ ਦੇ ਨਾਲ ਹੀ ਦਿੱਲੀ ‘ਚ ਪੈਟਰੋਲ 105.14 ਰੁਪਏ, ਡੀਜ਼ਲ 94.87 ਰੁਪਏ ਪ੍ਰਤੀ ਲੀਟਰ ਹੋ ਗਿਆ ਹੈ।ਇਸੇ ਤਰਾਂ ਮੁੰਬਈ ‘ਚ ਪੈਟਰੋਲ 34 ਪੈਸੇ ਮਹਿੰਗਾ ਹੋ ਕੇ 111.09 ਰੁਪਏ ਤੇ ਡੀਜ਼ਲ 38 ਪੈਸੇ ਮਹਿੰਗਾ ਹੋ ਕੇ 101.78 ਰੁਪਏ ਅਤੇ ਚੰਡੀਗੜ੍ਹ ‘ਚ ਪੈਟਰੋਲ 101.20 ਰੁਪਏ ਤੇ ਡੀਜ਼ਲ 93.59 ਰੁਪਏ ਪ੍ਰਤੀ ਲੀਟਰ ਹੋ ਗਿਆ ਹੈ। ਦੱਸ ਦਈਏ ਕਿ ਪਿਛਲੇ 2 ਹਫਤਿਆਂ ‘ਚ ਪੈਟਰੋਲ 14ਵੀਂ ਵਾਰ ਅਤੇ ਡੀਜ਼ਲ 3 ਹਫਤਿਆਂ ‘ਚ 17ਵੀਂ ਵਾਰ ਮਹਿੰਗਾ ਹੋਇਆ ਹੈ।