ਉੱਤਰਾਖੰਡ ‘ਚ ਭਾਰੀ ਬਰਸਾਤ ਕਾਰਨ ਹੁਣ ਤੱਕ 54 ਮੌਤਾਂ

ਦੇਹਰਾਦੂਨ, 21 ਅਕਤੂਬਰ – ਉੱਤਰਾਖੰਡ ‘ਚ ਭਾਰੀ ਬਰਸਾਤ ਅਤੇ ਜ਼ਮੀਨ ਖਿਸਕਣ ਦੀਆਂ ਘਟਨਾਵਾਂ ‘ਚ ਹੁਣ ਤੱਕ 54 ਮੌਤਾਂ ਹੋ ਚੁੱਕੀਆਂ ਹਨ ਜਦਕਿ 19 ਜਖਮੀਂ ਹਨ ਤੇ 5 ਲਾਪਤਾ ਹਨ। NDRF ਦੇ ਅਧਿਕਾਰੀ ਅਮਰਿੰਦਰ ਸਿੰਘ ਸੇਂਗਰ ਨੇ ਨਿੱਜੀ ਨਿਊਜ਼ ਚੈਨਲ ਨਾਲ ਗੱਲਬਾਤ ਕਰਦਿਆ ਦੱਸਿਆ ਕਿ ਕਈ ਹਜ਼ਾਰ ਪਿੰਡ ਹੜ੍ਹਾਂ ਨਾਲ ਬੁਰੀ ਤਰਾਂ ਘਿਰੇ ਹੋਏ ਹਨ।ਕੇਂਦਰੀ ਗ੍ਰਹਿ ਮੰਤਰੀ ਅਮਿਤ ਸ਼ਾਹ ਅੱਜ ਇਸ ਕੁਦਰਤੀ ਆਫਤ ਤੋਂ ਪ੍ਰਭਾਵਿਤ ਇਲਾਕਿਆਂ ਦਾ ਦੌਰਾ ਕਰਨਗੇ, ਜੋ ਕਿ ਅਧਿਕਾਰੀਆਂ ਨਾਲ ਮੀਟਿੰਗ ਵੀ ਕਰਨਗੇ। ਉਹ ਕੱਲ੍ਹ ਰਾਤ ਹੀ ਦੇਹਰਾਦੂਨ ਪਹੁੰਚੇ ਹਨ।