ਸਿੱਧੂ ਦੇ ਪਾਕਿਸਤਾਨ ਪ੍ਰੇਮ ‘ਤੇ ਹਰਜੀਤ ਗਰੇਵਾਲ ਨੇ ਸਾਧਿਆ ਨਿਸ਼ਾਨਾ

ਚੰਡੀਗੜ੍ਹ, 20 ਨਵੰਬਰ – ਪੰਜਾਬ ਭਾਜਪਾ ਦੇ ਆਗੂ ਹਰਜੀਤ ਗਰੇਵਾਲ ਨੇ ਨਵਜੋਤ ਸਿੱਧੂ ਦੇ ਪਾਕਿਸਤਾਨ ਪ੍ਰੇਮ ਉੱਪਰ ਨਿਸ਼ਾਨਾ ਸਾਧਿਆ ਹੈ। ਹਰਜੀਤ ਗਰੇਵਾਲ ਨੇ ਕਿਹਾ ਕਿ ਨਵਜੋਤ ਸਿੱਧੂ ਦਾ ਪਾਕਿਸਤਾਨ ਨਾਲ ਕੀ ਰਿਸ਼ਤਾ ਹੈ, ਸਾਰਿਆ ਨੂੰ ਪਤਾ ਹੈ। ਪਾਕਿਸਤਾਨ ਜਾਣ ‘ਤੇ ਉਨ੍ਹਾਂ (ਨਵਜੋਤ ਸਿੱਧੂ) ਦਾ ਸਵਾਗਤ ਹੁੰਦਾ ਹੈ ਤੇ ਪੂਰਾ ਧਿਆਨ ਰੱਖਿਆ ਜਾਂਦਾ ਹੈ। ਨਵਜੋਤ ਸਿੱਧੂ ਅੱਜ ਜੋ ਗੱਲ ਕਰਦੇ ਹਨ, ਓਹੀ ਗੱਲ ਪਾਕਿਸਤਾਨ 2 ਦਿਨ ਬਾਅਦ ਕਰਦਾ ਹੈ। ਅਸੀਂ ਵੀ ਪਾਕਿਸਤਾਨ ਗਏ ਸੀ, ਭਾਜਪਾ ਦਾ ਵਫਦ ਪਾਕਿਸਤਾਨ ਗਿਆ ਸੀ। ਜਿਸ ਤਰਾਂ ਆਮ ਸ਼ਰਧਾਲੂ ਜਾਂਦੇ ਹਨ, ਅਸੀਂ ਵੀ ਸਾਧਾਰਣ ਤੌਰ ‘ਤੇ ਪਾਕਿਸਤਾਨ ਗਏ ਤੇ ਉੱਥੇ ਮੱਥਾ ਟੇਕਿਆ ਸੀ।