ਪਠਾਨਕੋਟ, 22 ਨਵੰਬਰ – ਪਠਾਨਕੋਟ ‘ਚ ਆਰਮੀ ਕੈਂਪ ਨੇੜੇ ਅੱਜ ਸਵੇਰੇ ਇੱਕ ਗਰਨੇਡ ਧਮਾਕਾ ਹੋਇਆ ਹੈ।ਇਹ ਧਮਾਕਾ ਧੀਰਾਪੁਲ ‘ਚ ਸਥਿਤ ਆਰਮੀ ਕੈਂਪ ਦੇ ਤ੍ਰਿਵੈਣੀ ਗੇਟ ਨੇੜੇ ਹੋਇਆ। ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਮੋਟਰਸਾਈਕਲ ‘ਤੇ ਆਏ ਅਣਪਛਾਤੇ ਵਿਅਕਤੀਆਂ ਨੇ ਗਰਨੇਡ ਉਸ ਸਮੇਂ ਸੁੱਟਿਆ ਜਦੋ ਇਲਾਕੇ ‘ਚੋਂ ਇੱਕ ਬਾਰਾਤ ਗੁਜ਼ਰ ਰਹੀ ਸੀ।ਧਮਾਕੇ ਵਿਚ ਕਿਸੇ ਦੇ ਜਖਮੀਂ ਹੋਣ ਦੀ ਸੂਚਨਾ ਨਹੀਂ ਹੈ। ਮੌਕੇ ‘ਤੇ ਪਹੁੰਚੀ ਪੁਲਿਸ ਵੱਲੋਂ ਸੀ.ਸੀ.ਟੀ.ਵੀ ਫੁਟੇਜ ਦੀ ਜਾਂਚ ਕੀਤੀ ਜਾ ਰਹੀ ਹੈ ਜਦਕਿ ਸਾਰੀਆਂ ਚੌਂਕੀਆਂ ਨੂੰ ਅਲਰਟ ‘ਤੇ ਰੱਖਿਆ ਗਿਆ ਹੈ।