ਰੋਹਿਤ ਸ਼ਰਮਾ ਨਾਲ ਅਣਬਣ ਦੀਆਂ ਖਬਰਾਂ ਨੂੰ ਵਿਰਾਟ ਕੋਹਲੀ ਨੇ ਦੱਸਿਆ ਗਲਤ

ਨਵੀਂ ਦਿੱਲੀ, 15 ਦਸੰਬਰ – ਭਾਰਤੀ ਟੈਸਟ ਕ੍ਰਿਕੇਟ ਟੀਮ ਦੇ ਕਪਤਾਨ ਵਿਰਾਟ ਕੋਹਲੀ ਨੇ ਵਨਡੇ ਟੀਮ ਦੇ ਕਪਤਾਨ ਰੋਹਿਤ ਸ਼ਰਮਾ ਨਾਲ ਅਣਬਣ ਦੀਆਂ ਖਬਰਾਂ ਨੂੰ ਗਲਤ ਦੱਸਿਆ ਹੈ। ਮੀਡੀਆ ਨਾਲ ਗੱਲਬਾਤ ਕਰਦਿਆ ਵਿਰਾਟ ਕੋਹਲੀ ਨੇ ਕਿਹਾ ਕਿ ਸਾਡੇ ਦੋਵਾਂ ਵਿਚ ਅਜਿਹਾ ਕੁੱਝ ਨਹੀਂ ਹੈ ਤੇ ਮੈਂ ਸਫਾਈ ਦਿੰਦਾ ਥੱਕ ਗਿਆ ਹਾਂ।ਵਿਰਾਟ ਕੋਹਲੀ ਅਨੁਸਾਰ ਰੋਹਿਤ ਸ਼ਰਮਾ ਨਾਲ ਖੇਡਣ ਵਿਚ ਮੈਨੂੰ ਕੋਈ ਦਿੱਕਤ ਨਹੀਂ ਹੈ ਤੇ ਮੈਂ ਵਨਡੇ ਸਿਰੀਜ਼ ਲਈ ਉਪਲਬਧ ਹਾਂ। ਦੱਖਣੀ ਅਫਰੀਕਾ ਖਿਲਾਫ ਰੋਹਿਤ ਦੇ ਟੈਸਟ ਸਿਰੀਜ਼ ਤੋਂ ਬਾਹਰ ਹੋਣ ‘ਤੇ ਉਨ੍ਹਾਂ ਕਿਹਾ ਕਿ ਸਾਨੂੰ ਟੈਸਟ ਵਿਚ ਰੋਹਿਤ ਦੀ ਕਮੀ ਜ਼ਰੂਰ ਮਹਿਸੂਸ ਹੋਵੇਗੀ, ਪਰੰਤੂ ਇਸ ਸਭ ਦੇ ਦੌਰਾਨ ਨਵੇਂ ਖਿਡਾਰੀਆਂ ਨੂੰ ਵੀ ਮੌਕਾ ਮਿਲੇਗਾ।