ਭਾਰਤ-ਪਾਕਿ ਸਰਹੱਦ ਨੇੜਿਓ ਹੈਰੋਇਨ ਦੇ 25 ਪੈਕੇਟ ਬਰਾਮਦ

ਫ਼ਾਜ਼ਿਲਕਾ, 17 ਦਸੰਬਰ – ਬੀ.ਐੱਸ.ਐੱਫ ਦੇ ਜਵਾਨਾਂ ਨੇ ਫ਼ਾਜ਼ਿਲਕਾ ਸੈਕਟਰ ‘ਚ ਭਾਰਤ ਪਾਕਿ ਸਰਹੱਦ ਨੇੜਿਓ ਕਰੋੜਾਂ ਰੁਪਏ ਦੀ ਹੈਰੋਇਨ ਬਰਾਮਦ ਕੀਤੀ ਹੈ।ਬੀ.ਐੱਸ.ਐੱਫ ਦੀ 66 ਬਟਾਲੀਅਨ ਦੇ ਜਵਾਨਾਂ ਨੇ ਭਾਰਤ ਪਾਕਿ ਸਰਹੱਦ ਦੀ ਬੀ.ਓ.ਪੀ ਮੋਜ਼ਮ ਫਾਰਵਰਡ ਤੋਂ ਹੈਰੋਇਨ ਦੇ 25 ਪੈਕੇਟ ਬਰਾਮਦ ਕੀਤੇ ਹਨ। ਬਰਾਮਦ ਕੀਤੀ ਗਈ ਹੈਰੋਇਨ ਦਾ ਭਾਰ 26 ਕਿੱਲੋ ਤੋਂ ਵੱਧ ਹੈ ਤੇ ਕੋਮਾਂਤਰੀ ਬਾਜ਼ਾਰ ਵਿਚ ਬਰਾਮਦ ਕੀਤੀ ਹੈਰੋਇਨ ਦੀ ਕੀਮਤ ਕਰੋੜਾਂ ਰੁਪਏ ਹੈ।