ਉੱਤਰ ਭਾਰਤ ‘ਚ ਠੰਢ ਦਾ ਕਹਿਰ ਜਾਰੀ, ਰਾਜਸਥਾਨ ‘ਚ ਤਾਪਮਾਨ ਮਾਈਨਸ ‘ਤੇ

ਨਵੀਂ ਦਿੱਲੀ, 18 ਦਸੰਬਰ – ਉੱਤਰ ਭਾਰਤ ਵਿਚ ਠੰਢ ਦਾ ਕਹਿਰ ਜਾਰੀ ਹੈ ਤੇ ਇਸ ਨੇ ਮੈਦਾਨੀ ਇਲਾਕਿਆ ਨੂੰ ਵੀ ਆਪਣੀ ਲਪੇਟ ਵਿਚ ਲੈ ਲਿਆ ਹੈ। ਮੌਸਮ ਵਿਭਾਗ ਅਨੁਸਾਰ ਦਿੱਲੀ ਦੇ ਰਿਜ ਅਤੇ ਆਯਾਨਨਗਰ ਵਿਖੇ ਤਾਪਮਾਨ 5 ਡਿਗਰੀ, ਹਰਿਆਣਾ ਦੇ ਨਾਰਨੌਲ ‘ਚ 3 ਡਿਗਰੀ, ਪੰਜਾਬ ਦੇ ਅੰਮ੍ਰਿਤਸਰ ‘ਚ 0.1 ਡਿਗਰੀ ਅਤੇ ਰਾਜਸਥਾਨ ਦੇ ਚੁਰੂ ਵਿਖੇ -1.1 ਡਿਗਰੀ ਦਰਜ ਕੀਤਾ ਗਿਆ ਹੈ। ਮੌਸਮ ਮਾਹਿਰਾਂ ਅਨੁਸਾਰ ਪਹਾੜੀ ਇਲਾਕਿਆ ‘ਚ ਹੋਈ ਬਰਫਬਾਰੀ ਕਾਰਨ ਮੈਦਾਨੀ ਇਲਾਕਿਆ ਵਿਚ ਠੰਢ ਵਧੀ ਹੈ।ਮੌਸਮ ਵਿਭਾਗ ਨੇ ਆਉਣ ਵਾਲੇ ਦਿਨਾਂ ‘ਚ ਵੀ ਕੜਾਕੇ ਦੀ ਠੰਢ ਦੀ ਸੰਭਾਵਨਾ ਜਾਹਰ ਕੀਤੀ ਹੈ।